1 Tesalonicenses 1:3 - Biblia Guarani Tumpa Iñee

³ Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

Nuevo Testamento Guaraní Pe

³ Jare royerure ñandeRu Tumpa pe yave, jecuaeño oremaendúa quirai peico Tumpa cotɨ vae re. Echa peparavɨquɨ Tumpa pe, perovia Jesucristo re jare peaɨu rambue, jare jecuaeño pepɨaguasu, pearo peyerovia reve ñandeYa Jesucristo ou ye vaera rambue.

1 Tesalonicenses 1:3 ပူးပေါင်းရင်းမြစ်များ

GÉNESIS 29:20

Jökorai Jacob oyeokuai Raquel regua chiu año jare mbaetɨecha puku chupe ara reta, echa oaɨu yae.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

CANTARES 8:7

Opaete ɨ reta, ngaraai ipuere ombogüe mboroaɨu; ɨ̈aka reta ave ngaraai ombogüe. Kia omee yave opaete imbaeyekou mboroaɨu re, oyeyoyaiuka vaeräño ko.

San Juan 14:15

Cheraɨu yave, peyapo cheporookuai reta.

San Juan 15:10

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

Hechos 10:31

Jae jei cheve: “Tumpa oendu ndeyerure reta jare oecha mbaembae remee paravete pe vae reta pe vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Romanos 12:12

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 15:4

Opaete oyekuatía tenonde Tumpa Iñee pe vae, oyekuatía ko yandemboe vaerä. Echa oyekuatía ko yaikatu vaerä mbɨaguasu jare mbɨakatu rupi ñaäro.

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

Romanos 16:6

Jaeramiño vi tamaraeme toï María, kërai jae oparavɨkɨ täta pepɨte pe.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

1 Corintios 13:13

Mboapɨ ko jae mbae oiko avei vae: Mborogüɨrovia, moroäro jare mboroaɨu. Ërei mboroaɨu ko tuicha yae, jókuae ïru mókoi reta güi.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

Gálatas 1:4

YandeYa Jesucristo oñemee omano vaerä yandeyoa reta re, yandeyora vaerä teko ikavimbae vae ɨvɨ pegua güi. Echa kuae ko jae yandeRu Tumpa jemimbota.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Gálatas 6:9

Jare agüɨye yandekuérai yayapo ikavi vae; echa mbaetɨ yandepɨtu yave, yaarɨvota iara pe.

1 Tesalonicenses 3:6

Ërei Timoteo ou yave jokotɨ güi, omombeu oreve peporogüɨrovia jare peporoaɨu re. Jei vi oreve kërai pemaendúa avei oreré oreraɨu reve vae, jare pekɨ̈reɨ yae orereecha, ore rami.

2 Tesalonicenses 1:11

Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

1 Timoteo 1:14

Ërei yandeYa tuicha yae ipɨakavi cheve, mborogüɨrovia jare mboroaɨu rupi Cristo Jesús re yarovia yave.

1 Timoteo 2:3

Echa jókuae ko ikavi jare omboyerovia Tumpa Yandemboasa vae,

Hebreos 10:36

echa jaekavi ko pepɨaguasu vaerä, peyapo vaerä Tumpa jemimbota, jökorai penoi vaerä jae güɨrökuavee vae.

Hebreos 11:17

Iporogüɨrovia rupi Abraham, Tumpa ojäa iporogüɨrovia yave, oyukata tëi Isaac omee vaerä Tumpa pe. Oïndaivi omee vaerä taɨ jaevaeño vae yepe tëi omboresive morogüɨrökuavee,

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Hebreos 4:11

Jáeramo, ñañemoäta ngatu yaike vaerä jókuae mbutuu pe, agüɨye vaerä oasa yande ndive jókuae iñeereendumbae vae reta rami.

Hebreos 6:15

Jare Abraham, oäro ipɨaguasu reve jare güɨnoi Tumpa güɨrökuavee chupe vae.

1 Pedro 3:4

jaeño tipöra peɨvɨte, pepɨa pe, oikomeguambae vae pe. Ñemomichi pe jare mbɨakatu pe, kuae ko ikavi yae Tumpa pe.

1 Juan 3:18

Cheraɨ aaɨu vae reta, agüɨye yayoaɨu ñaneñee peño ani yandeyuru peño, toyekuaa yayapo vae rupi jare añetete rupi.

1 Juan 3:21

Cherɨvɨ aaɨu vae reta, mbaetɨ yave yandepɨa omboeta, yayeko Tumpa re;

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.

1 Juan 5:3

Echa yaaɨu yave Tumpa, yayapo iporookuai reta; jare mbaetɨ ko yavai yayapo vaerä iporookuai reta.

Apocalipsis 2:19

‘Che aikuaa opaete reyapogüe reta, ndeporoaɨu, ndeporogüɨrovia, reyeokuai cheve vae jare ndepɨaguasu. Jare añave reparavɨkɨ vae jeta yae reyapo tenonde yave reparavɨkɨ vae güi.

Apocalipsis 3:10

Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi.