1 Tesalonicenses 1:1 - Biblia Guarani Tumpa Iñee

¹ Che Pablo, Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta pe. Pe reta peï yandeRu Tumpa jare yandeYa Jesucristo re vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Nuevo Testamento Guaraní Pe

¹ Che co jae Pablo. Che ndive oime ñogüɨnoi Silvano jare Timoteo. Aicuatía cuae tupapire opaete peporogüɨrovia vae Tesalónica pe peñemboatɨ vae reta pe. Pe reta co jae ñandeRu Tumpa jare ñandeYa Jesucristo imbae. ÑandeRu Tumpa jare ñandeYa Jesucristo tomee peve ipɨacavi jare ipɨacatu.

1 Tesalonicenses 1:1 ပူးပေါင်းရင်းမြစ်များ

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 15:27

Jáeramo romondo pépɨri Judas jare Silas. Jae reta etei omombeuta vi peve kuae.

Hechos 15:40

Ërei Pablo oiparavo Silas, jare oporogüɨrovia vae reta oyerure güire yandeYa ipɨakavi re chupe, ojo joko güi.

Hechos 16:19

Jare kuñatai iya reta oikuaa mbaetɨ ma omongana jese yave, oipɨɨ reta Pablo jare Silas, jare güɨraja reta mburuvicha reta jóvai.

Hechos 16:25

Ërei pɨare mbɨte rupi Pablo jare Silas oyerure jare otairari ñogüɨnoi Tumpa pe. Jare ïru tembipɨɨ reta oyeapɨsaka ñogüɨnoi jese reta.

Hechos 16:29

Jayave tembipɨɨrɨru iyangarekoa oenɨi kia güeru vaerä chupe tembipe. Jayave osɨi tembipɨɨrɨru japɨpe kotɨ, jare oyetavatɨka orɨrɨi reve Pablo jare Silas jóvai.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Hechos 19:22

Jayave omondo Macedonia kotɨ mókoi imborɨa reta Timoteo jare Erasto. Ërei jae opɨtaño mbovɨ ara Asia pe.

Hechos 20:4

Jare yogüɨraja jupíe Sópater Berea pegua; Aristarco jare Segundo Tesalónica pegua reta; Gayo Derbe pegua; Timoteo, Tíquico jare Trófimo Asia pegua reta.

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Corintios 1:2

romondo kuae tupapire oporogüɨrovia vae reta Tumpa imbae Corinto pe peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko.

2 Corintios 1:1

Che Pablo, Jesucristo jemimondo Tumpa jemimbota rupi. Yanderɨvɨ Timoteo ndive romondo kuae tupapire opaete peporogüɨrovia vae Corinto pe peï vae reta pe, jare opaete oporogüɨrovia vae Acaya rupi ñogüɨnoi vae reta pe.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

Gálatas 1:2

jare opaete yanderɨvɨ che ndive ñogüɨnoi vae reta roikuatía kuae tupapire opaete peporogüɨrovia vae reta Galacia pe peï vae pe.

Gálatas 1:22

ërei Cristo re oporogüɨrovia vae reta Judea pegua mbaetɨ chekuaa reta.

Efesios 1:2

YandeRu Tumpa jare yandeYa Jesucristo ipɨakavi jare ipɨakatu toï pe ndive.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Colosenses 1:1

Che Pablo, Jesucristo jemimondo Tumpa jemimbota rupi, jare yanderɨvɨ Timoteo ndive,

2 Tesalonicenses 1:1

Che Pablo. Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta, peï yandeRu Tumpa jare yandeYa Jesucristo re vae pe.

1 Timoteo 1:2

Aikuatía kuae tupapire ndeve Timoteo, cheraɨ añetete vae mborogüɨrovia rupi. YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

2 Timoteo 1:2

Timoteo cheraɨ aaɨu vae, aikuatía kuae tupapire ndeve, yandeRu Tumpa jare yandeYa Cristo Jesús ipɨakavi jare iporoparareko jare ipɨakatu toï nde ndive.

Hebreos 13:23

Tamombeu peve yanderɨvɨ Timoteo oë ma tembipɨɨrɨru güi. Jae ou yave ɨmambae, arajata cherupíe aja pépɨri yave.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.