1 SAMUEL 9:21 - Biblia Guarani Tumpa Iñee

²¹ Jayave Saúl jei: —¡Benjamín iñemuña pegua ko che, mbovɨ yae ïru Israel iñemuña pegua reta güi vae! ¿Maera pa kuae ñee rere cheve?

1 SAMUEL 9:21 ပူးပေါင်းရင်းမြစ်များ

SALMOS 68:27

Joko pe oï taɨrusu vae Benjamín, jese reta oporookuai vae, jeta tenondegua reta Judá pegua, Zabulón pegua jare Neftalí pegua ndive.

SALMOS 68:28

CheRu Tumpa, eechauka ndembaepuere; ¡emoañete reyapo orevegüarä vae!

OSEAS 13:1

Efraín pegua reta imiari yave, ïru ñemuña Israel pegua reta okɨɨye; ërei opa okañɨtei reta Baal omboete jeko pegua.

San Lucas 14:11

Echa oyembotuicha vae, oñemomichiukata ko. Jare oñemomichi vae, oyembotuichaukata ko.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

1 SAMUEL 10:27

Ërei amogüe jeko kavimbae vae reta jei: “¿Këraita ra kuae yandereepɨ?” Güɨröɨro reta, mbaetɨ güeru reta mbota chupe; ërei jae oikuaambae ramiño oyeapo.

1 SAMUEL 14:51

Echa Cis jae ko Saúl tu, jare Ner jae ko Abner tu, kuae reta jae ko Abiel taɨ.

1 SAMUEL 15:17

Jare Samuel jei: —¿Yepe tëi michi yae viña remae ndeyé reveä pa, reiko Israel pegua ñemuña reta itenondeguarä? YandeYa ko ndeparavo mburuvicha guasurä Israel iñemuña reta re.

1 SAMUEL 18:18

Ërei David jei Saúl pe: —Mbaeä etei ko che jare cherëtara reta, aiko vaerä mburuvicha guasu jovayarä.

1 SAMUEL 18:23

Jayave jókuae tembiokuai reta imiari jókuae ñee David pe, jare David jei: —¿Perovia pa mbaetɨ yavai, che rami paravete vae oiko vaerä mburuvicha guasu jovayarä?

1 SAMUEL 9:22

Jayave Samuel güɨraja Saúl jare jembiokuai, jare omoinge o pe treinta kuimbae ñogüɨnoia pe, jare omboguapɨ tenonde, jókuae oyeparea chupe reta vae güi.