1 SAMUEL 9:20 - Biblia Guarani Tumpa Iñee

²⁰ Jókuae mburika mboapɨ ara ma okañɨ pegüi vae, agüɨye ndepɨatɨtɨ jese reta, echa oñeväe ma chupe. Ërei opaete Israel pegua mbaeyekou ndembaerä ko jare nderu iñemuña reta peguarä ko.

1 SAMUEL 9:20 ပူးပေါင်းရင်းမြစ်များ

1 CRÓNICAS 29:3

Opaete kuae reta añono kavi ma tupao peguarä vae reve, cheporoaɨu cheTumpa jo kotɨ ramo amee chembaembae jepɨ vae oñeñovatúa güi tupao peguarä oro jare korepoti:

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

Colosenses 3:2

Peyemongeta mbaembae ara pegua re, agüɨye peyemongeta mbaembae ɨvɨ pegua re.

1 SAMUEL 10:16

Jare Saúl jei itutɨ pe: —Omombeu kavi voi oreve, mburika reta opa ye ma oñeväe vae. Ërei Samuel omomiari mburuvicharä oïta vae regua, mbaetɨ etei imiari itutɨ pe.

1 SAMUEL 12:13

Añave, ko oï mburuvicha guasu peiparavogüe, pe reta peiporu vae; yandeYa oñono peve peruvicha guasurä vae.

1 SAMUEL 12:15

Ërei mbaetɨ peyapo yandeYa iporookuai yave, peñeereenduä yandeYa kotɨ yave, jae oiporaraukata peve jare peruvicha guasu pe, peñemuñagüe reta pe oiporarauka rami.

1 SAMUEL 4:20

Omae jese vae reta oecha omanota yave jei chupe: “Agüɨye ekɨɨye, nemembɨ metei kunumi raɨ ko.” Ërei jae mbaetɨ iñee omoë jare mbaetɨ vi oyeapɨsaka jese.

1 SAMUEL 8:19

Ërei opaete vae mbaetɨ oipota oendu Samuel iñee, jei reta: —Roipotañoi rogüɨnoi oreruvicha guasurä,

1 SAMUEL 8:5

jei reta chupe: “Mase, nde rekuakuaa ma, jare nderaɨ reta mbaetɨ yogüɨreko nde rami; jáeramo, añave eñono oreve metei mburuvicha guasu orejäa vaerä, opaete ïru tëtaguasu reta yogüɨreko rami.”

1 SAMUEL 9:19

Samuel jei Saúl pe: —Che ko jae, eyeupi che ndive kuae ɨvɨtɨ mbaemboete renda pe, jare ekaru añave che ndive. Pɨareve tamombeu ndeve opaete ndepɨa pe renoi reparandu vaerä vae.

1 SAMUEL 9:3

Jare Cis, Saúl tu imburika reta yepe opa okañɨ; jáeramo jei taɨ Saúl pe: —Eraja nderupíe metei tembiokuai, jare pekua peeka mburika reta.