1 SAMUEL 8:7 - Biblia Guarani Tumpa Iñee

⁷ Jare yandeYa jei Samuel pe: “Eendu opaete vae reta jei ndeve vae; echa ndeä ko nereröɨro reta, che ko chereröɨro reta, agüɨye vaerä ma aiko jae reta juvicharä.

1 SAMUEL 8:7 ပူးပေါင်းရင်းမြစ်များ

ÉXODO 16:8

Jei ye vi Moisés: —YandeYa omeeta kaaru yave peve soo peu vaerä, jare ndeimbove yave mbɨyape perɨ̈vɨata regua; echa yandeYa oendu peñeenguru ikotɨ vae; echa ore, ¿kia pa ko? Orekotɨä ko peñeenguru, yandeYa kotɨ etei ko.

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 34:14

chiu año oväe ñavo oyora reta vaerä oipotagüe jëtara hebreo oñemee jembiokuairä vae, jare oyeokuai chupe ova año vae. Ërei ngatu peñemuñagüe reta mbaetɨ oendu jare mbaetɨ oyapo reta che jae vae.

EZEQUIEL 2:3

jei cheve: “Nde kuimbae, romondota Israel iñemuña reta pɨri, metei tëta iñeereendumbae, oyembopɨapochɨ chekotɨ vae reta kotɨ. Jae reta jare iñemuñagüe reta oyembopɨapochɨ ckekotɨ añave regua.

EZEQUIEL 3:7

Ërei Israel iñemuña reta ñäteɨta oyeapɨsaka nderé, echa ñäteɨ oyeapɨsaka reta cheré; echa iñeereenduä jare ipɨatäta yae vae reta ko.

NÚMEROS 22:20

Jare Tumpa ou pɨ̈tu yave Balaam pɨri, jare jei chupe: —Kuae kuimbae reta yogüeru ko nereenɨi vaerä, ekua katu jayave jae reta ndive; ërei reyapota che jae ndeve vaeño.

San Mateo 10:40

Kia pemboresive kavi yave, che etei ko chemboresive. Jare chemboresive kavi vae, omboresive ko chembou vae.

San Lucas 10:16

Oyeapɨsaka peré vae oyeapɨsaka ko cheré. Ërei pereröɨro vae che ko chereröɨro. Jare chereröɨro vae chembou vae ko güɨröɨro.”

San Lucas 19:14

Ërei jëtaɨgua reta omotareɨ jókuae mburuvicha, jare omondo reta jaɨkue jei reta vaerä: ‘Mbaetɨ roipota kuae kuimbae oiko vaerä oreruvicha guasurä.’

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”

San Juan 13:16

Añetete che jae peve, metei tembiokuai mbaetɨi ko ma yae iya güi. Ani temimondo mbaetɨi vi tuichagüe yae imondoa güi.

JUECES 8:23

Ërei Gedeón jei chupe reta: —Che, ani cheñemuña reta ave ngaraa roiko peruvicharä YandeYa ko peruvicha.

1 SAMUEL 10:19

Ërei añave pe reta peröɨro peTumpa, opaete mbɨatɨtɨ jare mbaeporara reta güi peñovatu vae, echa peiporu peruvicha guasurä. Añave, peyemboatɨ yandeYa jóvai, peñemuña ñavo rupi jare peñoëtara vae ñavo rupi.

1 SAMUEL 12:1

Jayave Samuel jei opaete Israel iñemuña reta pe: —Mase, aendu jare ayapo opaete pere cheve vae, jare añono peve peruvicha guasurä.

1 SAMUEL 12:12

Ërei peecha oporepeña peree mburuvicha guasu Nahas Amón pegua yave, peiporu cheve peruvicha guasurä, pereroata vaerä, oime reve peYa Tumpa peruvicha guasurä.

1 SAMUEL 8:22

jare yandeYa jei Samuel pe: —Eendu jae reta jei vae, eñono mburuvicha guasu chupe reta. Jayave Samuel jei kuimbae Israel iñemuña reta pe: —Pekua metei ñavo perëta ae kotɨ.

1 SAMUEL 8:8

Egipto güi anoe reta güive oyapo reta opaete mbaembae añave rupi rami, chereeya reta jare omboete reta tumpa ambuae reta, jökorai etei vi ko ndeapo reta añave.