1 SAMUEL 8:5 - Biblia Guarani Tumpa Iñee

⁵ jei reta chupe: “Mase, nde rekuakuaa ma, jare nderaɨ reta mbaetɨ yogüɨreko nde rami; jáeramo, añave eñono oreve metei mburuvicha guasu orejäa vaerä, opaete ïru tëtaguasu reta yogüɨreko rami.”

1 SAMUEL 8:5 ပူးပေါင်းရင်းမြစ်များ

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

Hechos 13:21

Jayave jae reta oiporu juvicha guasurä. Jare Tumpa omee chupe reta Saúl, Cis taɨ, cuarenta año pegua. Jae ko metei kuimbae Benjamín iñemuña pegua.

JUECES 8:22

Jayave Israel iñemuña reta jei Gedeón pe: —Eiko oreruvicharä nde jare neñemuña reta, echa oreyora Madián iñemuña reta ipo güi.

1 SAMUEL 10:19

Ërei añave pe reta peröɨro peTumpa, opaete mbɨatɨtɨ jare mbaeporara reta güi peñovatu vae, echa peiporu peruvicha guasurä. Añave, peyemboatɨ yandeYa jóvai, peñemuña ñavo rupi jare peñoëtara vae ñavo rupi.

1 SAMUEL 12:13

Añave, ko oï mburuvicha guasu peiparavogüe, pe reta peiporu vae; yandeYa oñono peve peruvicha guasurä vae.

1 SAMUEL 12:17

Añave, trigo yagüɨye iara ko. Ërei ayerureta yandeYa pe, jare jae ombouta ama jare ararɨapu, peikuaa vaerä tuicha yae ko ikavimbae peyapo peiporu ramboeve peruvicha guasurä.”

1 SAMUEL 12:2

Añave, ko oï peruvicha guasu pereroata vaerä. Che chendechi ma, ërei cheraɨ reta ñogüɨnoi pe reta ndive, che aiko pe reta ndive chetaɨrusu güive añave regua, kuae ara.

1 SAMUEL 9:20

Jókuae mburika mboapɨ ara ma okañɨ pegüi vae, agüɨye ndepɨatɨtɨ jese reta, echa oñeväe ma chupe. Ërei opaete Israel pegua mbaeyekou ndembaerä ko jare nderu iñemuña reta peguarä ko.