1 SAMUEL 8:18 - Biblia Guarani Tumpa Iñee

¹⁸ Jare metei ara jókuae peruvicha guasu peiparavogüe jeko peroäse ma yave, yandeYa mbaetɨta oyeapɨsaka peré.

1 SAMUEL 8:18 ပူးပေါင်းရင်းမြစ်များ

2 CRÓNICAS 10:11

cheru peokuaiasɨ katu, ërei che amoïruta peve jókuae yeokuaiasɨ katu, cheru penupa musura pe, ërei che ponupata jätinguru jiero pegua pe vae pe.”

JOB 27:8

¿Güɨnoita ra mbae ikavigüe ipɨapochɨ vae, Tumpa opɨ̈ro ma jekove chugüi yave?

JOB 27:9

¿Oenduta ra isapúkai Tumpa chupe, ou jese tembiporara guasu yave?

SALMOS 18:41

Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

PROVERBIOS 21:13

Paravete vae isapúkai güi iyapɨsa oyokenda vae, jae osapúkai tëi yave, ngaraa vi kia oendu chupe.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

ISAÍAS 8:21

Jeta vae reta oguatata oipota rupi, oiporara reve jare yɨmbɨaɨ reve; jare yɨmbɨaɨ güi pochɨ retata, jare oyangao retata juvicha guasu jare iTumpa, omae reve ara kotɨ,

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

San Lucas 13:25

Echa o iya oyokenda ma yave öke, pe reta pepɨtata oka pe. Jayave pembopu tëita öke jare pereta: “OreYa, oreYa, eipea öke oreve.” Ërei jae jeita peve: “Che mbaetɨ pokuaa.”

1 SAMUEL 8:17

Perɨmba reta güi oekɨta vi pediezmo jare pe ave peyeokuaita vi chupe.