1 SAMUEL 7:10 - Biblia Guarani Tumpa Iñee

¹⁰ Jare Samuel omee oï ramboeve mɨmba oyeyukagüe opaetei oyeapɨ vae, filisteo reta yogüeru oñeraro vaerä Israel iñemuña reta ndive. Ërei yandeYa ombou ararɨapu täta yae vae filisteo reta re, jare opa oiämondo jáeramo Israel iñemuña reta opa omoamɨri.

1 SAMUEL 7:10 ပူးပေါင်းရင်းမြစ်များ

SALMOS 18:15

Oyekuaa ɨguasu jugua, opɨta ikatu pe ɨvɨ iguapɨka reta, neñeengata rupi cheYa Tumpa, neäpɨgua rupi nepɨ̈túe remoë vae rupi.

SALMOS 29:3

YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

SALMOS 29:4

YandeYa iñee oyeendu tätagüe, yandeYa iñee oyeendu mbaepuere yae ndive.

SALMOS 78:66

Jare opa omoamɨri jovaicho reta ikupe kotɨ rupi; oeya ñemomarai rupi jekuae avei pegua.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

DEUTERONOMIO 28:7

YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.

JOSUÉ 10:10

Jare yandeYa omongɨɨye yae Israel iñemuña reta güi, jökorai jeta yae oparapiti reta Gabaón pe, jare oporoaɨkuemoña reta Bet-horón kotɨ tape ojo vae rupi, jokoropi jekuae oyuka reta amorreo reta ojoi regua oväe Azeca jare Maceda pe.

JUECES 4:15

jare yandeYa omoamɨriuka Sísara jare isundaro reta oñeraro ma yave Barac ndive; jare Sísara ogüeyɨ ikäretou güi otekuarai ipɨ re.

JUECES 5:20

Ara güi yasɨtata reta oñeraro, jókuae oïa güi oñoraro rami Sísara ndive;

JUECES 5:8

Oiparavo reta iyeupe ipɨau tumpa-raanga reta yave, oime avei ñeraro tëta guasu pe. Mbaetɨ oyekuaa yeopiaka ani mii yepe cuarenta mil Israel ñemuña reta ipɨte pe.

1 SAMUEL 12:17

Añave, trigo yagüɨye iara ko. Ërei ayerureta yandeYa pe, jare jae ombouta ama jare ararɨapu, peikuaa vaerä tuicha yae ko ikavimbae peyapo peiporu ramboeve peruvicha guasurä.”

1 SAMUEL 14:15

Jare opaete teyupa pegua reta jare ikatu pe teyupa güi ñogüɨnoi vae reta okɨɨye rai yae. Jaeramiño vi sundaro reta teyupa pegua jare ñeraro regua reta okɨɨye yae reta vi, ɨvɨ okana, jare okɨɨye yae reta.

1 SAMUEL 2:10

YandeYa omoamɨrita jovaicho reta, yavaete yaeta ama-tiriri rami. YandeYa ojäata opaete ɨvɨ pegua reta; omeeta mbaepuere jae oiparavo mburuvicharä vae pe jare jae ombotuichata imbaepuere.”

1 SAMUEL 7:11

Jare ñogüɨnoe Israel iñemuña reta oaɨkuemoña jare oyuka filisteo reta Mizpa güive Bet-car pe ojo oväe regua.