1 SAMUEL 6:5 - Biblia Guarani Tumpa Iñee

⁵ Peyapo pire mbaerasɨ ñakɨ̈ta vae iä jare anguya reta iä, peɨvɨ güɨrokomegua vae jare pemee mbaemboete Israel iñemuña reta iTumpa pe, güɨramoi mbaetɨta ma oiporarauka peve, petumpa reta pe jare peɨvɨ pe.

1 SAMUEL 6:5 ပူးပေါင်းရင်းမြစ်များ

1 CRÓNICAS 16:28

Tëtara reta tëta ñavo peï vae, pemee mbota yandeYa pe, pemee yandeYa pe mbaemboete, mbaepuere iya pe;

1 CRÓNICAS 16:29

pemee yandeYa pe mbaemboete chupegua vae; peru mbota jare peyu jóvai; peyetavatɨka yandeYa jóvai imbaemboetea ikavi yae vae pe.

SALMOS 18:44

Oendu reta yave cheregua, oyapo reta cheporookuai, ketɨgua reta vi chemboete.

SALMOS 32:4

Echa ara pe jare pɨ̈tu yave ndepo jeiete ipoɨ cheve; chepɨa oyerovia katuse vae, temitɨ opa ipiru kuaraɨ guasu pe rami.

SALMOS 39:10

Eekɨ chegüi reiporarauka cheve vae; cheyukata ma ndepo reñono cheré vae.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

ÉXODO 12:12

Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.

ÉXODO 8:17

Jare jae reta jökorai oyapo; Aarón omopüa ipo, jare oiporu ipopoka ɨvɨkúi re, jare jókuae ɨvɨkúi oyeapo kuimbae reta ikɨrä jare opaete mɨmba reta ikɨrä vi; jökorai opaete ɨvɨkúi oyeapo kɨrä opaete tëta guasu Egipto pe.

ÉXODO 8:24

Jare yandeYa oyapo jökorai, ombou jeta ye oipotagüe mberu oporomoambeko yae ete Faraón jo pe vae, jare jembiokuai reta jo pe, jare opaete tëta guasu Egipto re; jare opaetei ɨvɨ oikomegua kuae mberu reta jeko pegua.

ÉXODO 8:5

YandeYa jei Moisés pe: —Ere Aarón pe: “Eropövee ndepopoka ɨ̈aka reta re, ɨ̈aka raɨ reta jare ɨupa reta re, joko güi oë vaerä pïte reta opaete ɨvɨ Egipto re.”

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 42:12

Tomee reta mbaemboete yandeYa pe, tomoërakua reta mbaemboete chupe oñemee vae, tëtaguasu reta ɨguasu jembeɨ rupigua rupi.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JOEL 2:25

Amboekoviata peve jókuae año reta rupi, taso jare tuku reta opa jou pegüi vae, jókuae chesundaro jetagüe ambou pekotɨ vae.

JONÁS 3:9

Mbaetɨ yaikuaa Tumpa oipoepɨta ra iyemongeta iyarasɨ güi, agüɨye vaerä ñakañɨtei.”

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

NÚMEROS 33:4

jae reta oñotɨ ramboeve opaete taɨrɨpɨ reta yandeYa güeru mano jese vae reta, jókuae rupi yandeYa oitɨ iyarasɨ itumpa-raanga reta re.

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.

JOSUÉ 7:19

Jayave Josué jei Acán pe: —Cheraɨ, emee mbaemboete yandeYa pe, Israel iTumpa pe, emboete, ere añave cheve mbae ko reyapo vae; agüɨye eikuaku chegüi.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.

1 SAMUEL 5:11

Jare omboatɨ reta opaete filisteo juvicha reta, jare jei chupe reta: “Peraja peeya Israel iñemuña reta iTumpa ikäjou, oyererúa güi, agüɨye vaerä opa ñamano.” Echa jërakua oï mano opaete jókuae tëta guasu pe, Tumpa oiporarauka yae oï joko pe.

1 SAMUEL 5:9

Jare güɨraja reta oeya Gat pe yave, yandeYa imbaepuere rupi okɨɨye yae jókuae tëta pegua reta, oiporarauka chupe reta, michia güive okuakuaa vae re oë pire mbaerasɨ ñakɨ̈ta vae.

1 SAMUEL 6:8

Peipɨɨ Tumpa ikäjou jare peñono käretou pe, jare jókuae mbae iä reta oro pegua pemondo mbota teko re vae, peñono metei jɨru pe käjou iyɨpɨ pe, jare pemaeño käretou tojo jaeiño.