1 SAMUEL 6:2 - Biblia Guarani Tumpa Iñee

² Jayave filisteo reta oenɨi sacerdote reta jare maratuta vae imombeúa reta, oparandu chupe reta: —¿Mbae pa royapota Tumpa ikäjou pe? Pemombeu oreve këraita pa romondo ye jenda pe vae.

1 SAMUEL 6:2 ပူးပေါင်းရင်းမြစ်များ

GÉNESIS 41:8

Jare pɨareve pe ndeimbove yave Faraón ipɨakaviä yae, jare omondo oenɨiuka opaete ichoropa vae Egipto pegua, jare iyarakuaa katu vae reta, chupe oyeokuai vae reta; jayave omombeu chupe reta ipaɨu, ërei mbaetɨ kia ipuere oikuaauka chupe mbae ra Faraón ipaɨu oipota jei vae.

ÉXODO 7:11

Jayave Faraón oenɨi vi imbaekuaa vae reta jare ichoropa vae reta, kuae reta oyapo vi jökorai etei imbaekuaa rupi,

ISAÍAS 2:6

CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

DANIEL 2:2

Jayave mburuvicha guasu omondo oenɨiuka ichoropa vae reta, yasɨ pɨau re jare yasɨtata re güɨrovia vae reta jare mbae oasata vae oikuaa vae reta, jae ko Caldeaɨgua iyarakuaa vae reta, oikuaauka vaerä chupe ipaɨu regua. Jayave yogüeru mburuvicha guasu jóvai.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

San Mateo 2:4

Jayave Herodes oenɨiuka opaete sacerdote reta itenondegua reta jare mborookuai re oporomboe vae reta, jare oparandu chupe reta kia pe ra oata Cristo.

1 SAMUEL 5:8

Jare omboatɨ reta opaete filisteo juvicha reta, oparandu chupe reta: —¿Mbae pa royapota Israel iñemuña reta iTumpa ikäjou pe? Jae reta jei: —Peraja Israel iñemuña reta iTumpa ikäjou Gat pe. Javoi güɨraja reta Tumpa ikäjou Gat pe.

1 SAMUEL 6:1

YandeYa ikäjou oiko filisteo reta iɨvɨ pe chiu yasɨ.