1 SAMUEL 6:17 - Biblia Guarani Tumpa Iñee

¹⁷ Jókuae pandepo mbaerasɨ pɨ̈chɨi ñakɨ̈ta vae iä oro pegua filisteo reta omondo yandeYa pe iyoa oyemboai vaerä vae; jae ko tëta Asdod re, Gaza re, Ascalón re, Gat jare Ecrón iyoa re.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

2 SAMUEL 21:22

Kuae irundɨ jae ko Gat pegua kuimbae puku yae vae reta iñemuñagüe, ërei opa oyeyukauka reta David pe jare isundaro reta pe.

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 CRÓNICAS 26:6

Jare oë oñeraro filisteo reta ndive jare ombosururu Gat ikësea, Jabnia jare Asdod ikësea, jare omopüa tëta guasu reta ɨvɨ Asdod pe, filisteo reta iɨvɨ pe.

JEREMÍAS 25:20

jare opaete joko pe yogüɨreko ïru tëtaguasu pegua reta vae, jare opaete mburuvicha guasu reta ɨvɨ Uz pegua reta jare filisteo reta iɨvɨ pegua: Ascalón, Gaza, Ecrón jare Asdod güi jembɨregüe reta;

LEVÍTICO 5:7

Jare mbaetɨ korepoti oupitɨ chupe ogua vaerä vecha kuimbae taɨrusu vae yave; togüeru cheve, cheɨ̈ro vaerä chupe iyoa re, mókoi pɨkasui ani mókoi pɨkasutï: Metei toñemee, cheɨ̈ro vaerä mbaeyoa re, ïru opaetei oyeapɨ vaerä.

AMÓS 1:6

YandeYa jei körai: “Gaza pegua reta iyoa yae jeko pegua, mbaetɨta cheɨ̈ro chupe reta, echa opaetei oipɨɨ reta güɨraja metei tëta ipo omee vaerä Edom pegua reta pe tembiokuairä.

AMÓS 6:2

Pekua pemae tëta Calne pe; jare joko güi peasa tëta guasu Hamat kotɨ, jare pegüeyɨ vi tëta Gat filisteo reta jëta kotɨ. Pemae jókuae mborookuaía reta re, ¿ikavi yae ra pegüi? ¿Iɨvɨ tuicha ra peɨvɨ güi?

DEUTERONOMIO 28:27

YandeYa oitɨta peré karacha pɨ̈chɨi vae Egipto pe rami, atii, kuru jare pire jemɨi ipoanoämbae vae.

JUECES 1:18

Judá iñemuña reta opɨ̈ro vi tëta guasu Gaza iɨvɨ ndive, tëta guasu Ascalón iɨvɨ ndive jare tëta guasu Ecrón iɨvɨ ndive.

JUECES 14:19

YandeYa iEspíritu ou jese, jare ojo tëta Ascalón kotɨ joko pe oyuka treinta kuimbae opa opɨ̈ro chugüi reta imbaembae jare pɨpe omboepɨ jókuae ñee yavai vae omombeu chupe vae reta pe. Jare ojo tu jëta pe iyarasɨ yae reve,

JUECES 16:1

Metei ara Sansón ojo tëta Gaza pe, jare joko pe oecha metei kuña iyaguasa pota vae, jare oike jo pe oke jae ndive jókuae pɨ̈tu.

JUECES 16:21

Jayave filisteo reta oipɨɨ jare opa güɨnoe chugüi jesäɨ jare güɨraja reta Gaza pe; joko pe oñapɨti reta karena jiero iyu vae pegua pe jare oiko tembipɨɨ rɨru pe ombaeyoso vaerä.

1 SAMUEL 5:1

Filisteo reta opɨ̈ro Tumpa ikäjou yave, güɨraja reta Eben-ezer güi Asdod pe,

1 SAMUEL 5:10

Jayave güɨroyakavo reta yandeYa ikäjou tëta Ecrón pe, jare joko pe yogüɨreko vae reta osapúkai jei: “¡Güeru reta Israel iñemuña reta iTumpa ikäjou yandeve opa vaerä yandeyukauka!”

1 SAMUEL 5:8

Jare omboatɨ reta opaete filisteo juvicha reta, oparandu chupe reta: —¿Mbae pa royapota Israel iñemuña reta iTumpa ikäjou pe? Jae reta jei: —Peraja Israel iñemuña reta iTumpa ikäjou Gat pe. Javoi güɨraja reta Tumpa ikäjou Gat pe.

1 SAMUEL 6:4

Jare jae reta oparandu: —¿Mbae nunga mbota pa romondota? Jare sacerdote reta jei: —Pemondo pandepo mbaerasɨ pɨ̈chɨi ñakɨ̈ta vae iä oro pegua jare pandepo anguya iä oro pegua, filisteo juvicha reta ñogüɨnoi rami, echa kuae mbaerasɨ opaete peiporara, pe jare peruvicha reta.