1 SAMUEL 5:10 - Biblia Guarani Tumpa Iñee

¹⁰ Jayave güɨroyakavo reta yandeYa ikäjou tëta Ecrón pe, jare joko pe yogüɨreko vae reta osapúkai jei: “¡Güeru reta Israel iñemuña reta iTumpa ikäjou yandeve opa vaerä yandeyukauka!”

1 SAMUEL 5:10 ပူးပေါင်းရင်းမြစ်များ

2 SAMUEL 7:9

jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

AMÓS 1:8

Opata amokañɨtei tëta Asdod pegua reta jare mburuvicha reta Ascalón pegua. ¡Aitɨta vi chepo Ecrón pegua reta re; opaeteita filisteo reta jembɨregüe ave omano!” Jei yandeYa.

AMÓS 6:2

Pekua pemae tëta Calne pe; jare joko güi peasa tëta guasu Hamat kotɨ, jare pegüeyɨ vi tëta Gat filisteo reta jëta kotɨ. Pemae jókuae mborookuaía reta re, ¿ikavi yae ra pegüi? ¿Iɨvɨ tuicha ra peɨvɨ güi?

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,

JOSUÉ 15:11

javoi oë ɨvɨtɨ ikúa rupi, Ecrón güi ɨvɨtuguasu kotɨ, jare oyere Sicrón kotɨ, jare oasa ɨvɨtɨ Baala rupi, jare oë Jabneel rupi ojo iyapɨ ɨguasu pe.

JOSUÉ 15:45

Tëta guasu Ecrón, tëta reta ndive jare tëta raɨ reta ndive,

JUECES 1:18

Judá iñemuña reta opɨ̈ro vi tëta guasu Gaza iɨvɨ ndive, tëta guasu Ascalón iɨvɨ ndive jare tëta guasu Ecrón iɨvɨ ndive.

1 SAMUEL 17:52

Jayave Israel kotɨgua jare Judá kotɨgua reta osapúkai jare ñogüɨnoe oaɨkuemoña reta filisteo reta opa yogüɨraja oväe regua ɨvɨtɨ päu ipe kavi vae pe, jare tëta Ecrón jee vae jöke pe. Jare oyoa sundaro filisteo reta jëogüegüe Saaraim jape rupi ojoi oväe Gat jare Ecrón pe.

1 SAMUEL 5:11

Jare omboatɨ reta opaete filisteo juvicha reta, jare jei chupe reta: “Peraja peeya Israel iñemuña reta iTumpa ikäjou, oyererúa güi, agüɨye vaerä opa ñamano.” Echa jërakua oï mano opaete jókuae tëta guasu pe, Tumpa oiporarauka yae oï joko pe.

1 SAMUEL 5:9

Jare güɨraja reta oeya Gat pe yave, yandeYa imbaepuere rupi okɨɨye yae jókuae tëta pegua reta, oiporarauka chupe reta, michia güive okuakuaa vae re oë pire mbaerasɨ ñakɨ̈ta vae.

1 SAMUEL 6:1

YandeYa ikäjou oiko filisteo reta iɨvɨ pe chiu yasɨ.