1 SAMUEL 4:13 - Biblia Guarani Tumpa Iñee

¹³ Ou oväe yave, Elí oguapɨ oï tenda re jöke pe, omae reve tape re, echa ipɨatɨtɨ yae Tumpa ikäjou re. Jókuae kuimbae ou oväe tëta guasu pe yave, omoërakua mbae ko oasa ñeraroa pe vae, jare opaete tëta pegua reta jäsémbai.

1 SAMUEL 4:13 ပူးပေါင်းရင်းမြစ်များ

SALMOS 26:8

CheYa, che aaɨu ndetupao, ndeyemboetea oïa.

JEREMÍAS 48:19

Tëta guasu Aroer pegua reta, peyemboɨ tape jembeɨ pe jare pemae; peparandu otekuaraigüe pe, mbae ra oasa oï vae re.

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

1 SAMUEL 1:9

Jare tëta Silo pe Ana oï yave, opüa opa okaru güire; sacerdote Elí oguapɨ ramboeve oï metei tenda pe okɨta iyɨpɨ pe yandeYa itupao pe.

1 SAMUEL 4:14

Jare Elí oendu yave tëta guasu pegua reta jäsémbai, oparandu: —¿Maera pa jäsémbai vae? Jare jókuae kuimbae ou omombeu Elí pe jarembae voi.

1 SAMUEL 4:18

Jare Elí oendu yave Tumpa ikäjou regua, oyatuaka jenda güi öke iyɨpɨ pe, jare iñatuäti oso jare omano, echa indechi yae jare ikɨra yae vi. Jae oiko mburuvicharä Israel iñemuña reta pe cuarenta año.