1 SAMUEL 31:8 - Biblia Guarani Tumpa Iñee

⁸ Jare pɨareve pe filisteo reta yogüɨraja mbae oekɨ vaerä omanogüe vae reta güi yave, oväe reta Saúl jare mboapɨ reve taɨ reta jetegüe oyepɨso ñogüɨnoi ɨvɨtɨ Gilboa pe.

1 SAMUEL 31:8 ပူးပေါင်းရင်းမြစ်များ

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

2 SAMUEL 1:21

¡Ɨvɨtɨ reta Gilboa pegua, agüɨye ye toa peré ɨsápɨi ani ama yepe, agüɨye toime mbaagüɨyerɨpɨ! Echa joko pe opa oyemombo ñeraro regua reta iyeopiaka. Saúl iyeopiaka mbaetɨ asaite pe oyepichɨ rami ñamɨri.

1 CRÓNICAS 10:8

Pɨareve pe filisteo reta yogüɨraja oekɨ vaerä mbaembae omanogüe reta güi yave, oväe reta Saúl jare taɨ reta jëogüegüe oyepɨso ñogüɨnoi ɨvɨtɨ Gilboa pe.

2 CRÓNICAS 20:25

Jayave Josafat isundaro reta ndive yogüɨraja oeka vaerä tëogüe reta ipɨte rupi, jare oväe reta chupe jeta mbaeyekou, tembiporu ñeraro pegua, temimonde jare mbae jepɨ vae, jare jeta ïru mbaembae mbaetɨ ipuere güɨraja reta. Mboapɨ ara omboatɨ reta mbaembae, echa jeta yae.

1 SAMUEL 28:4

Filisteo reta oyemboatɨ jare yogüeru oyembojeyupa Sunem pe; jare Saúl omboatɨ opaete Israel iñemuña reta, jare jae reta oyembojeyupa Gilboa pe.

1 SAMUEL 31:7

Jare Israel iñemuña reta yogüɨreko ɨvɨtɨ päu ipe kavi vae jovaicho re vae, ɨ̈aka Jordán jovaicho kotɨ, oecha reta Saúl jare taɨ reta omano jare Israel iñemuña reta otekuarai yave, opa oeya reta tëta guasu. Jayave filisteo reta yogüeru yogüɨreko joko pe.

1 SAMUEL 31:9

Jayave oyasɨa reta güɨraja iñäkagüe, jare jembiporu ñeraro pegua. Jare omondo reta ñee jerajaa reta opaete filisteo iɨvɨ rupi, omoërakua vaerä itumpa reta itupao guasu pe jare tëta pe.