1 SAMUEL 31:7 - Biblia Guarani Tumpa Iñee

⁷ Jare Israel iñemuña reta yogüɨreko ɨvɨtɨ päu ipe kavi vae jovaicho re vae, ɨ̈aka Jordán jovaicho kotɨ, oecha reta Saúl jare taɨ reta omano jare Israel iñemuña reta otekuarai yave, opa oeya reta tëta guasu. Jayave filisteo reta yogüeru yogüɨreko joko pe.

1 SAMUEL 31:7 ပူးပေါင်းရင်းမြစ်များ

LEVÍTICO 26:32

Amokañɨteita opaete mbae peɨvɨ pe, perovaicho reta yogüɨrekota peɨvɨ pe vae ipɨakañɨta opɨta.

LEVÍTICO 26:36

Jare pegüi oimeño oikove vae, perovaicho reta iɨvɨ pe, añonota ipɨa pe kɨɨye rai, metei ñana-roo oa yave ave okɨɨyeta, kɨsepuku pe kia omoña vae rami otekuaraita, oyepɨakata mbaetɨ kia omoña reve;

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

JUECES 6:2

Jare Madián iñemuña reta güɨrekoasɨ katu yae Israel iñemuña reta jeko pegua, opa yogüɨraja oyapo iyeupe oñemi reta vaerä ɨvɨkua rupi, ɨvɨtɨ rupi jare jëguambaea rupi.

1 SAMUEL 13:6

Jare Israel iñemuña reta oecha opaetei oñeova ñogüɨnoi yave, oñemi reta ɨ̈aka-soro rupi, ɨvɨkua rupi, ɨ̈vavira rupi, ita guasu ipäu rupi, ɨrɨru rupi.

1 SAMUEL 13:7

Jare amogüe hebreo reta oasa ɨ̈aka Jordán, ɨvɨ Gad jare Galaad kotɨ; ërei Saúl opɨtaño Gilgal pe, jare opaete vae reta yogüɨraja jaɨkue orɨrɨi reve okɨɨye güi.

1 SAMUEL 31:6

Jökorai omano Saúl jókuae ara mboapɨ reve taɨ reta ndive, jare iyeopiaka ivoɨa, jare opaete iyɨvɨrigua reta ndive.

1 SAMUEL 31:8

Jare pɨareve pe filisteo reta yogüɨraja mbae oekɨ vaerä omanogüe vae reta güi yave, oväe reta Saúl jare mboapɨ reve taɨ reta jetegüe oyepɨso ñogüɨnoi ɨvɨtɨ Gilboa pe.