1 SAMUEL 31:5 - Biblia Guarani Tumpa Iñee

⁵ Jare iyeopiaka ivoɨa oecha ma Saúl omano yave, jae oekɨ vi ikɨsepuku, jare oa vi jese jare omano jae ndive.

1 SAMUEL 31:5 ပူးပေါင်းရင်းမြစ်များ

1 REYES 16:18

Zimri oecha tëta opa ko oñeova yave, oike mburuvicha guasu jo japɨpe, jare oyatapɨ jese iyeupe jae oï reve japɨpe, jökorai omano.

1 CRÓNICAS 10:5

Yeopiaka ivoɨa oecha yave Saúl omano, jae oa vi ikɨsepuku re jare oyeyuka.

JUECES 9:54

Abimelec oenɨi aramoete imborɨa yeopiaka ovoɨ chupe vae, jare jei chupe: “Eekɨ ndekɨsepuku jare cheyuka, echa mbaetɨ aipota jei reta vae: ‘Metei kuña pe ko oyeyukauka.’ ”

1 SAMUEL 31:4

Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.

1 SAMUEL 31:6

Jökorai omano Saúl jókuae ara mboapɨ reve taɨ reta ndive, jare iyeopiaka ivoɨa, jare opaete iyɨvɨrigua reta ndive.