1 SAMUEL 31:4 - Biblia Guarani Tumpa Iñee

⁴ Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Saúl imano jaɨkue rupi, David oyerova ye omoamɨri güire Amalec iñemuña reta yave, opɨta mókoi ara Siclag pe.

2 SAMUEL 1:14

Jare David jei chupe: —¿Maera pa mbaetɨ reipoɨu reyuka yandeYa jembiparavo?

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

2 SAMUEL 1:6

Jare jókuae kunumi imiari oï chupe vae jei: —Jese katu che aï ɨvɨtɨ Gilboa pe yave aecha Saúl oyeko oï imii re, jare tovaicho kavayu regua reta oupitɨta ete ma.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

2 SAMUEL 21:12

ojo güeru Saúl jare taɨ Jonatán ikägüegüe, kuimbae reta tëta Jabes ɨvɨ Galaad pegua reta güi, echa jae reta ko oñomi tëta Bet-sán joka güi, filisteo reta ombosavavaa güi; filisteo reta oyuka yave Saúl, Gilboa pe.

1 REYES 16:18

Zimri oecha tëta opa ko oñeova yave, oike mburuvicha guasu jo japɨpe, jare oyatapɨ jese iyeupe jae oï reve japɨpe, jökorai omano.

1 REYES 16:27

Ïru mbaembae Omri oyapogüe, opaete imbaepuere regua oyekuatía oï tembikuatía pe, Israel pegua mburuvicha guasu reta regua oyekuatía oïa pe.

1 CRÓNICAS 10:4

Jayave Saúl jei iyeopiaka ivoɨa pe: “Eekɨ ndekɨsepuku javoi chekutu pɨpe, agüɨye vaerä yogüeru kuae Tumpa re güɨroviambae reta oyuvanga cheré.” Ërei iyeopiaka ivoɨa mbaetɨ oipota echa okɨɨye yae. Jayave Saúl oipɨɨ ikɨsepuku jare oa jese.

JUECES 14:3

Ërei tu jare ichɨ jei reta chupe: —¿Mbaetɨ pa kuña opaete nerëtara ipɨte pe, reo vaerä reeka kuña ïru tëta rupi, filisteo itumpa-raanga pota vae reta ipɨte pe? Jare Sansón jei tu pe: —Pemomiariño cheve, echa jókuae kuñatai aipota yae ko.

JUECES 9:54

Abimelec oenɨi aramoete imborɨa yeopiaka ovoɨ chupe vae, jare jei chupe: “Eekɨ ndekɨsepuku jare cheyuka, echa mbaetɨ aipota jei reta vae: ‘Metei kuña pe ko oyeyukauka.’ ”

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.

1 SAMUEL 26:10

YandeYa jee re, jae etei ko oiporaraukata chupe, ani outa ara oväe omano vaerä ani ojota ñeraroa pe omano.

1 SAMUEL 31:5

Jare iyeopiaka ivoɨa oecha ma Saúl omano yave, jae oekɨ vi ikɨsepuku, jare oa vi jese jare omano jae ndive.