1 SAMUEL 30:8 - Biblia Guarani Tumpa Iñee

⁸ Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.

1 SAMUEL 30:8 ပူးပေါင်းရင်းမြစ်များ

GÉNESIS 14:16

Jökorai Abram opɨ̈ro ye chugüi reta opaete mbaembae güɨrajagüe. Güeru ye vi jiɨ Lot, jare opaete imbaembae, kuña reta jare kuimbae reta.

2 SAMUEL 5:19

Jayave David oparandu yandeYa pe jei reve: —¿Aëta pa añoraro filisteo reta ndive? ¿Remoamɨriuka retata pa cheve? Jayave yandeYa jei chupe: —Eë chupe, echa ameeta ndepo pe, remoamɨri reta vaerä.

2 SAMUEL 5:23

Jare David oparandu kuae regua yandeYa pe yave, jae jei chupe: “Agüɨye ekua jóvai kotɨ rupi, ekua ikupe kotɨ rupi chupe reta, ɨvɨra iyaɨsɨ vae reta jenda re katu eë chupe reta.”

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ÉXODO 15:9

Tovaicho jei: ‘Taɨkuemoña aupitɨ regua, jare opa tamboyao apɨ̈ro chugüigüe chepɨakatu apɨta regua. Tanoe chekɨsepuku, jare chepo tomboai reta.’

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

JUECES 20:28

jare sacerdote Finees, Eleazar taɨ, Aarón jɨmɨmino oyapo mbaravɨkɨ jókuae ara), jei reta chupe: “¿Rojo yeta pa roñeraro orerëtara Benjamín iñemuña reta ndive ani mbaetɨta pa?” Jare yandeYa jei chupe reta: “Pekua, echa pɨareve che opata amee pepo pe.”

JUECES 8:4

Gedeón jare tresciento kuimbae reta yogüeru oväe Jordán pe jare oasa reta jovaicho pe, yepe tëi ikangɨ yae reta ërei jekuaeñoi oporoaɨkuemoña reta.

1 SAMUEL 10:22

Jare oparandu reta ye yandeYa pe, mbaetɨño ra ou oväe jókuae kuimbae joko pe. Jare yandeYa jei: “Oime kuae pe oñemi oï voɨta pɨte pe.”

1 SAMUEL 14:37

Jayave Saúl oparandu Tumpa pe: —¿Chepuere pa aporepeña filisteo reta re? ¿Remeeta pa Israel iñemuña reta ipo pe? Ërei yandeYa mbaetɨ mbae jei chupe jókuae ara.

1 SAMUEL 23:2

Jare David oparandu yandeYa pe jei reve: —¿Ajata pa añeraro filisteo reta ndive? Jare yandeYa jei chupe: —Ekua eñeraro jare eepɨ tëta guasu Keila.

1 SAMUEL 23:4

Jayave David oparandu ye yandeYa pe, jare yandeYa jei: —Epüa jare ekua Keila pe, che ameeta ndepo pe filisteo reta.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.

1 SAMUEL 30:18

Jare David opɨ̈ro ye opaete Amalec iñemuña reta oñomi güɨraja vae reta, jaeramiño vi opɨ̈ro ye mókoi reve jembireko.

1 SAMUEL 30:19

Opaetei opɨ̈ro ye, opaete oñeomigüe mbae tuicha vae ani michi vae, taɨ reta ani tayɨ reta oyererajagüe, mbaetɨ etei mbae oata David pe.