1 SAMUEL 30:6 - Biblia Guarani Tumpa Iñee

⁶ Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.

1 SAMUEL 30:6 ပူးပေါင်းရင်းမြစ်များ

GÉNESIS 32:7

Jacob oendu kuae yave okɨɨye, jare ipɨatɨtɨ. Jayave omboyao jae ndive yogüɨreko vae reta jare vecha reta guaka reta, jare camello reta, mókoi teyupa pe,

2 SAMUEL 17:8

Nde reikuaa ko kërai nderu jare isundaro reta jëia yae ko, iyarasɨ yae ko añave aipo ñogüɨnoi reta, mbaemɨmba kaa rupigua imembɨ oñepɨ̈ro chugüigüe rami. Jare nderu ko, kuimbae ñeraro regua, ngaraa oke jupiegua reta ndive.

2 REYES 4:27

Javoi ojo oväe ɨvɨtɨ re Tumpa iñeemombeúa oïa pe yave, oyepɨɨ ipɨ re. Giezi oya jese ombosɨrɨ vaerä chugüi. Ërei Eliseo jei chupe: —Emaeño jese, echa ipɨatɨtɨ yae ko oï, jare añave rupi mbaetɨño yandeYa omombeu cheve, maratu ra oasa vae.

JOB 13:15

Mase, yepe tëi jae cheyuka, ërei jeseño ko ayekota; aepɨ tai ko cherekove jae jóvai.

SALMOS 116:10

Che arovia ko; jáeramo jae, aiporara yae aï yave.

SALMOS 138:3

Roenɨi yave, nde reendu cheve, jare chemopɨ̈rata.

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 18:6

Chepɨatɨtɨ aï yave aenɨi cheYa, asapúkai cheTumpa pe, jae oendu cheñee itupao güi. ¡Chesapúkai ojo oväe jae oïa pe, jare oendu!

SALMOS 25:17

Chepɨatɨtɨ reta oñemoïru cheve, cherenoe chugüi.

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

SALMOS 31:24

Peñemomɨ̈rata opaete yandeYa reño peyeko vae reta, peñemoäta ngatu pepɨa pe.

SALMOS 42:11

¿Maera pa ayembopɨtuta? ¿Maera pa ayemoambekota? Cheporoäro anoi Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 42:5

¿Maera pa ayembopɨtuta? ¿Maera pa ayemoambekota? Cheporoäro anoi ko Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 42:7

Ndetororomba oyeendu jɨapu ɨvɨsoro pe; opaete ɨaparúa rembou vae opa cheasoi.

SALMOS 56:11

Ayeko nderé, ngaraa akɨɨye. ¿Mbae pa ipuereta oyapo cheve kuimbae?

SALMOS 62:1

Tumpa reño aiko pɨagüive, chugüiño ou cheve yereroasayepe.

SALMOS 62:5

Tumpa reño aiko pɨagüive, chugüiño ou cheve yereroasayepe.

SALMOS 71:4

CheRu Tumpa, chereepɨ iyoa vae reta ipo güi, jókuae oporoyuka jare ipɨarai vae reta güi,

SALMOS 71:5

echa nde, cheYa Tumpa, jae ko chetaɨrusu güive cheporoäro kavi nderé vae.

ÉXODO 17:4

Jayave Moisés oyerure yandeYa pe, jei: —¿Mbae pa ayapota kuae reta ndive? ¡Echa jökoraiño yave, cheapi retata cheyuka ita pe!

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JONÁS 2:2

jei körai: “CheYa, roenɨi chepɨatɨtɨa güi, jare nde chereendu; omanogüe reta ñogüɨnoia güi asapúkai jare reendu cheñee.

NÚMEROS 14:10

Jayave opaete vae oñomomiari oyuka reta vaerä ita pe. Ërei yandeYa iyemboetea oyekuaa tupao guakapi pegua pe opaete Israel iñemuña reta pe,

San Mateo 21:9

Jare Jesús jenonde yogüɨraja vae reta jare jaɨkue yogüɨraja vae reta osapúkai reve jei reta: —¡Hosanna David Taɨ! Toyemboeteuka yandeYa jee re ou vae. ¡Hosanna! ¡Toyemboete ara pe!

San Mateo 27:22

Jayave Pilato oparandu chupe reta: —Jökorai yave, ¿mbae pa peipota ayapo Jesús, Cristo jee vae pe? Jayave opaete vae reta jei: —¡Eikutuuka kurusu re!

San Juan 8:59

Jayave judío reta oipɨɨ ita oyapi vaerä tëi Jesús. Ërei jae oñemi jare oë tupao güi; oasa jae reta ipäu rupi ojo.

Romanos 4:18

Abraham oäro ñaäro rapembae vae, ërei Tumpa re güɨrovia jeko pegua, ou opɨta jeta vae reta turä, echa Tumpa jei chupe körai: “Jökoraita ko neñemuña reta.”

Romanos 4:20

Ërei güɨrovia Tumpa iporogüɨrökuavee re, oñemomɨ̈rata jare omboete Tumpa.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

2 Corintios 1:6

Ërei ore roiporara yave, roiporara ko pe reta penoi vaerä mbɨakatu jare yemboasa. Jare Tumpa orembopɨakatu yave, orembopɨakatu ko penoi vaerä mbɨakatu jare yemboasa. Jare jökorai pepuere peropɨa peiporara yave ore rami.

2 Corintios 4:8

Roiporara yae ko opaño mbaembae, ërei mbaetɨ orembopɨtu yae. Jeta yemoambeko, ërei mbaetɨ orembopɨa kërai;

2 Corintios 7:5

Echa Macedonia pe royu roväe güive, mbaetɨ etei roputuu, jaeño roiporara yae opaete mbae; ikatu güi, ñeraro reta; japɨpe pe, kɨɨye reta.

Hebreos 13:6

Jáeramo yandepuere yae yakɨɨyembae reve körai: “YandeYa ko chemborɨ vae. Ngaraa akɨɨye mbae oyapota cheve vae güi.”

JUECES 18:25

Ërei Dan iñemuña reta jei chupe: —Agüɨye neñeeäta oreve, echa güɨramoi amogüe orepɨte güi iyarasɨ katu vae oñemopüata nderé, jare nemokañɨteita opaete nerëtara ndive.

JUECES 20:22

Ërei oñemoäta ngatu ye opaete vae, kuimbae Israel iñemuña pegua reta, jare oyeapo kavi reta ye oñeraro vaerä kárumbo ma oñeraroa pe.

1 SAMUEL 1:10

Ana oyemboasɨ katu yae reve oyerure yandeYa pe, jare jeta oyaeo.

1 SAMUEL 23:16

Jare Jonatán Saúl taɨ opüa ou Hores pe David oïa pe, jare omoäta ngatu Tumpa jee re,

1 SAMUEL 28:15

Jayave Samuel jei chupe: —¿Maera pa chemoambeko jare chereenɨiuka? Jare Saúl jei: —Chepɨatɨtɨ yae aï, echa filisteo reta oporepeña ñogüɨnoi cheré, jare Tumpa osɨrɨ chegüi; mbaetɨ ye ma imiari che ndive, ñeemombeúa reta rupi ani mbaɨu reta rupi ave. Kuae jeko pegua ko roenɨi remombeu kavi vaerä cheve mbae ayapo vaerä.