1 SAMUEL 30:26 - Biblia Guarani Tumpa Iñee

²⁶ Jare David ou oväe Siclag pe yave, omondo opɨ̈rogüe ivɨa-ïru Judá pe tenondegua vae reta pe, jei reve: “Mase, ko oï mbota peveguarä, mbaembae oñepɨ̈rogüe yandeYa jovaicho reta güi vae.”

1 SAMUEL 30:26 ပူးပေါင်းရင်းမြစ်များ

GÉNESIS 33:11

Romoñera reipɨɨ vaerä mbota aru ndeve vae, echa Tumpa chemboikokatu jare opaete mbaembae anoi vae chembae ko. Jacob jeta omoñera, Esaú oipɨɨ,

2 SAMUEL 1:1

Saúl imano jaɨkue rupi, David oyerova ye omoamɨri güire Amalec iñemuña reta yave, opɨta mókoi ara Siclag pe.

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

SALMOS 35:27

Ërei totairari jare toyerovia chereepɨ yogüɨreko vae reta; jare tei avei reta: “¡YandeYa tuicha yae ko, jae ipɨakatu, jembiokuai ipɨakatu oï yave!”

SALMOS 68:18

Reyeupi ɨvate, reraja reve tembipɨɨ reta, remee mbota reta kuimbae reta pe, ipɨapochɨ vae reta pe ave, reiko vaerä jae reta ipɨte pe, cheYa Tumpa.

ISAÍAS 32:8

Ërei ngatu ipɨa ikavi vae, ikavi oyemongeta, jare jókuae iyemongeta kavi re oñemomɨ̈rata.

2 Corintios 9:5

Jáeramo ayemongeta ikavi ko orerɨvɨ reta räri yogüɨraja vaerä pépɨri, jökorai jae reta ipuereta pemborɨ opa vaerä pemboatɨ korepoti tenonde ma peñererökuavee pemee vaerä vae. Jökorai, che aja pépɨri yave, oyekuaata pemee pepɨa kavi reve vae, mbaetɨ ore poyókuai ramoño.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.

1 SAMUEL 25:27

Jare añave kuae mbota reta aru ndeve vae, toñemee kuimbae nderembiokuai reta pe.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.

1 SAMUEL 30:20

Jaeramiño vi David opɨ̈ro vecha reta, guaka reta, kuae reta güeru jare jei reta: “Kuae jae David opɨ̈rogüe.”

1 SAMUEL 30:25

Jare jókuae ara güire añave regua jókuae mborookuai oyeapo Israel iñemuña reta ipɨte pe.