1 SAMUEL 30:15 - Biblia Guarani Tumpa Iñee

¹⁵ Jare David oparandu chupe: —¿Ndepuere pa chereraja jae reta ñogüɨnoia pe? Jare jókuae Egiptoɨgua jei: —Tumpa jee re ere cheve, mbaetɨta cheyuka jare mbaetɨta chemee cheya pe yave, torogüɨraja jae reta ñogüɨnoia pe.

1 SAMUEL 30:15 ပူးပေါင်းရင်းမြစ်များ

GÉNESIS 24:3

jare yandeYa jee re ere añetete reyapota vae, Tumpa ara pe jare ɨvɨ pe oï vae, agüɨye emaeño cheraɨ Isaac tomenda Canaán pegua tayɨ ndive, che aï ipɨte pe vae,

EZEQUIEL 17:13

Javoi oiparavo metei mburuvicha guasu iñemuña pegua güi, jare oyapo morogüɨrökuavee päve jae ndive, jeiuka chupe Tumpa jee re oiko vaerä jae jeia re; jare güɨraja jupíe tuichagüe reta jókuae ɨvɨ güi,

EZEQUIEL 17:16

Che jae cheyé aeño jei yandeYa Tumpa, omanota ko Babilonia pe, jókuae mburuvicha guasu oñono tëi mburuvicharä Judá pe vae oikoa pe, echa jae mbaetɨ ombopo iñee jare morogüɨrökuavee päve mburuvicha guasu ndive oyapo vae güɨrokomegua.

EZEQUIEL 17:19

Jáeramo, yandeYa Tumpa jei körai: Che jae cheyé aeño: Jae oyapoä oñererökuavee che ndive vae, jare omboeteä cheporogüɨrökuavee päve; jáeramo aiporaraukata chupe.

JOSUÉ 2:12

Pomoñera añave, pere cheve peYa jee re, che anoi mboroparareko pekotɨ rami, jökorai penoi vi mboroparareko cheru jo pegua reta kotɨ, jáeramo añave pere cheve añetegüe rupi;

JOSUÉ 9:15

Jayave Josué oyapo ñemoïru mbɨakatu pegua jae reta ndive, agüɨye vaerä oyuka reta; jaeramiño vi oñererökuavee Tumpa jee re, Israel iñemuña mburuvicha reta.

JUECES 1:24

Oporopïaro vae reta oecha oë metei kuimbae jókuae tëta güi, jare jei reta chupe: “Remombeu oreve yave kerupi roike vaerä kuae tëta pe orepɨakavita ndeve.”

1 SAMUEL 29:6

Jare Aquis oenɨi David, jei chupe: —¡Tumpa jee re jae, nde ko kuimbae jupi vae! Chemboyerovia yae reyapogüe kuae teyupa pe, mbaetɨ etei aväe teko nderé jókuae ara reyu güive chépɨri añave regua. Ërei filisteo juvicha reta mbaetɨ ipɨakatu nderé,

1 SAMUEL 30:14

rojo roike cereteo reta iɨvɨ pe, jare Judá jare Neguev Caleb iɨvɨ pe, jare roapɨ roeya tëta Siclag.

1 SAMUEL 30:16

Jare güɨraja jókuae imonda vae reta ñogüɨnoia pe; jare jae reta opa etei oñemoai moai ñogüɨnoi jókuae ñuu pe, okaru reta, okau reta, oyapo reta arete opaete jókuae filisteo reta güi jare Judá pegua reta güi oñomigüe re.