1 SAMUEL 30:12 - Biblia Guarani Tumpa Iñee

¹² omee reta vi chupe michi ɨva oñemotini oyeapasogüe, jare mókoi iɨ uva iagüe oñemotini oyeapasogüe, jare opa okaru yave ipɨ̈rata ye, echa mboapɨ ara ma jare mboapɨ pɨ̈tu ma mbaetɨ okaru jare ɨ jou.

1 SAMUEL 30:12 ပူးပေါင်းရင်းမြစ်များ

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

LAMENTACIONES 1:11

Opaete pɨpegua reta oyaeo reve oyembieka; omee reta opaete imbaembae jepɨ vae tembíu re, agüɨye vaerä jovaruru reta. ¡CheYa Tumpa, emae kërai aiporara yae aï vae re!

JONÁS 1:17

Ërei yandeYa yepe oime omokätɨro jevae tuicha yae vae ɨ rupigua, jouka vaerä Jonás. Jare Jonás oiko jevae ɨ rupigua jɨe pe mboapɨ ara jare mboapɨ pɨ̈tu.

San Mateo 27:63

Jare jei reta chupe: —Oreruvicha, oremaendúa kërai jókuae kuimbae oporombotavɨse vae ndei omano mbove jei: “Mboapɨ ara pe aikove yeta.”

JUECES 15:19

Jayave Tumpa oipea ɨvɨkua Lehi pe oï vae; jare oë ɨ joko güi, Sansón jou jókuae ɨ, jare oyandu ipɨ̈rata ye. Jáeramo jókuae ɨesaɨ oï añave Lehi pe vae ombojee En-hacore.

1 SAMUEL 14:27

Ërei Jonatán mbaetɨ yepe oendu tu jei sundaro reta pe vae, jare ɨvɨra güɨreko ipo pe vae iyapɨ omopöe ei pe, jare jou, jare omopɨ̈rata jou yave.

1 SAMUEL 30:11

Jare tape rupi ñuu pe oväe reta chupe metei Egiptoɨgua, jare güeru reta David pe, omee reta mbɨyape chupe okaru vaerä jare ɨ oɨu vaerä;

1 SAMUEL 30:13

Jare David oparandu chupe: —¿Kia pa nde? ¿Kia pa jae ndeya? Jókuae kunumi Egiptoɨgua jei: —Che jae ko Egiptoɨgua, Amalec iñemuña jembiokuai ko che, mboapɨ ara rupi ma cheya chereeya, echa chembaerasɨ;