1 SAMUEL 3:19 - Biblia Guarani Tumpa Iñee

¹⁹ Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.

1 SAMUEL 3:19 ပူးပေါင်းရင်းမြစ်များ

GÉNESIS 21:22

Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.

GÉNESIS 28:15

Añave, ko aï nde ndive jare ayangarekota nderé reoa rupi, jare rogüeru yeta kuae ɨvɨ pe; ngaraa roeya, ayapo regua ndeve jae ndeve vae.”

GÉNESIS 39:2

Ërei yandeYa oï José ndive, jare José ko jae kuimbae opaete jembiapo reta oë kavi chupe vae; jare oiko iya Egiptoɨgua jo pe.

GÉNESIS 39:3

Jare iya oecha kërai yandeYa etei oï José ndive vae, jare oecha vi kërai opaete jembiapo reta rupi yandeYa omborɨ vae.

1 REYES 8:56

“¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai Moisés rupi vae.

2 REYES 10:10

Peikuaa kavi peï, mbaetɨ eteita yandeYa imiari Acab iñemuña reta kotɨ vae opɨta oyeapombae. YandeYa etei oyapo jembiokuai Elías rupi omombeu vae.

2 REYES 15:12

Körai oyeapo yandeYa jei Jehú pe vae, jei yave chupe: “Nderaɨ reta yogüɨrekota mburuvicha guasurä Israel pe irundɨ ñemuña regua.”

2 REYES 22:16

Körai jei yandeYa: ‘Che aruta kuae tëta re, jare pɨpegua reta re opaete susere kuae tembikuatía pe oyekuatía oï vae, mburuvicha guasu Judá pegua omongeta vae;

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

ISAÍAS 55:11

jökoraita ko cheñee oë cheyuru güi vae; ngaraa ou ye jökoraiño chekotɨ, oyapota ko che aipota vae, jare ikavita ko jókuae amondo chupe vae reta pe.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Lucas 1:28

Jare araɨgua oike María oïa pe jare jei chupe: —Kërai pa reï. YandeYa ipɨakavi yae ndeve. Jae oï nde ndive, jare iporerekua yae nderé ïru kuña reta güi.

San Lucas 1:80

Jókuae michia okuakuaa ojo oiko, jare ipɨ̈rata Tumpa jóvai. Jare oiko ñuu rupi oyekuaauka Israel pegua reta pe regua.

San Lucas 2:40

Jare michia okuakuaa ojo oiko, ipɨ̈rata jare yarakuaa katu yae. Jare Tumpa ipɨakavi oï jese.

San Lucas 2:52

Jare Jesús okuakuaa ojo oiko, jökorai vi arakuaa pe, Tumpa jare ïru vae reta ipɨa kavi oï jese.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

DEUTERONOMIO 18:22

Jókuae ñeemombeúa imiari yave Tumpa jee re, jare mbaetɨ yave oyembopo jeigüe, jókuae ñee jeigüe Tumpa iñeeä ko, oyembotuicha güiño ko imiari jókuae ñeemombeúa; agüɨye pekɨɨye chugüi.

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!

JOSUÉ 21:45

Mbaetɨ metei ave ñee oyeapombae, opaete ñee ikavigüe yandeYa jei Israel iñemuña reta pe vae, opaetei oyeapo.

JUECES 13:24

Jare jókuae kuña imembɨ oa metei kuimbae raɨ, ombojee Sansón. Okuakuaa michia raɨ jare yandeYa iporerekua jese.

1 SAMUEL 10:7

Jare opaete kuae mɨakañɨ reta oasa nde ndive yave, eyapo reyemongeta jaekavita ndeve vae, echa Tumpa oime ko oï nde ndive.

1 SAMUEL 12:2

Añave, ko oï peruvicha guasu pereroata vaerä. Che chendechi ma, ërei cheraɨ reta ñogüɨnoi pe reta ndive, che aiko pe reta ndive chetaɨrusu güive añave regua, kuae ara.

1 SAMUEL 16:18

Jayave metei iyɨvɨrigua jei: —Mase, che oime aecha metei Isaí Belén pegua taɨ reta güi, oikatu yae ombopu arpa vae, jëia ñeraro regua, yarakuaa katu imiari vaerä, kunumi kavi jare yandeYa oï jae ndive.

1 SAMUEL 18:12

Saúl okɨɨye David güi, echa oecha yandeYa oï jae ndive, ërei Saúl ndive mbaetɨ ma yandeYa oï.

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.

1 SAMUEL 2:21

Jare yandeYa iporerekua Ana re. Opaete reve imembɨ mboapɨ kunumi mókoi kuñatai; jare kunumi Samuel okuakuaa yandeYa jóvai.

1 SAMUEL 2:26

Ërei kunumi Samuel jekuae okuakuaa jare jekuaeñoi omboyerovia yandeYa jare vi kuimbae reta.

1 SAMUEL 9:6

Jare jembiokuai jei chupe: —Mase, kuae tëta guasu pe oime oiko metei kuimbae Tumpa iñeemombeúa, kuimbae jërakua yae vae ko, jare opaete mbae jei vae oyeapo jae jei rami etei. Yaja ípɨri, güɨramoi jae omombeu kavita yandeve kerupi yaja vaerä.