1 SAMUEL 3:18 - Biblia Guarani Tumpa Iñee

¹⁸ Jare Samuel omombeu chupe opaete, oikuakumbae reve mbae. Jayave Elí jei: —¡YandeYa ko! ¡Toyapo jaekavi chupe vae!

1 SAMUEL 3:18 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

2 SAMUEL 15:26

Ërei mbaetɨ ko ipɨakatu chekotɨ yave, ko cherenoi, toyapo cheve jaekavi chupe vae.

2 REYES 20:19

Jayave Ezequías jei Isaías pe: “YandeYa iñee remombeu vae jaekavi ko.” Echa jei yepe iyeupe: “Aikove aiko ramboeve oimeñota mbɨakatu jare mbae jupi vae.”

1 CRÓNICAS 19:13

Eñemoäta ngatu, ñañoraro yaepɨ vaerä ñanerëtaguasu jare tëta guasu reta yandeYa Tumpa imbae. ¡Jare yandeYa toyapo jaekavi chupe vae!”

JOB 1:21

jei: —Chepogüɨrai ko aa chesɨ güi jare chepogüɨrai tamano. YandeYa ko omee, jare yandeYa ko oekɨ. ¡Toyemboete yandeYa!

JOB 2:10

Jayave jae jei chupe: —Oipotagüe kuña iyarakuaambae reta rami neñee. ¿Kërai pa? ¿Ikavi vaeño pa ñanoita Tumpa güi jare mbaesusere mbaetɨta pa? Opaete kuaekuae rupi, Job mbaetɨ iyoa iñee rupi ave.

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

ÉXODO 34:5

Jare yandeYa ogüeyɨ metei amapɨtu re, jare oï joko pe Moisés ndive, oñeenɨi reve jee ae pe.

ISAÍAS 39:8

Jayave Ezequías jei Isaías pe: —Jókuae ñee reru cheve yandeYa güi vae, ikavi ko. Jare jei ye: —Ërei aikove aiko ramboeve oimeñota mbɨakatu jare oiko pɨagüive vae.

JEREMÍAS 34:6

Opaete kuae ñee reta Jeremías jei Sedequías mburuvicha guasu Judá pegua pe, Jerusalén pe.

JEREMÍAS 38:14

Taɨkue rupi mburuvicha guasu Sedequías omondo güeruruka ñeemombeúa Jeremías jae oïa pe, yandeYa jo jöke mboapɨa pe. Jare jei chupe: —Aparanduta ndeve, agüɨye etei eikuaku chegüi metei ave mbae.

JEREMÍAS 42:4

Jare ñemombeúa Jeremías jei chupe reta: —Jaekavi, ayerureta yandeYa Tumpa pe peré, pe reta peiporu rami, jare amombeuta peve opaete jae jei cheve vae, aikuakumbae reve pegüi kërai yepe.

LAMENTACIONES 3:39

¿Maera pa kuimbae iñeengeta yeño iyoa reve oikove tëi oï reve?

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

1 Pedro 5:6

Jáeramo, peñemomichi Tumpa imbaepuere tuicha yae vae jóvai, jae pembotuicha vaerä ara oväe yave.

JUECES 10:15

Jayave Israel iñemuña reta jei yandeYa pe: “Oreyoa ko, eyapo oreve nde nderemimbota, ërei, ¡eyapo oreve ikavi vae, orereepɨ añave!”