1 SAMUEL 3:13 - Biblia Guarani Tumpa Iñee

¹³ Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.

1 SAMUEL 3:13 ပူးပေါင်းရင်းမြစ်များ

1 REYES 1:6

Jare tu mbaetɨ etei yepe iñeengeta chupe mbae oyapo yave, jare mbaetɨ oparandu mbae ko oyapo vae re. Adonías kunumi kavi yae, jae ko taɨkuegua Absalón güi.

1 REYES 2:44

Nde reikuaa kavi yae ikavimbae reyapo cheru David pe vae. Jáeramo yandeYa omee jókuae ikavimbae reyapo vae oyerova ndekotɨ.

2 CRÓNICAS 20:12

¡OreRu Tumpa! ¿Mbaetɨta pa reiporarauka chupe reta? Echa ore mbaetɨ mbae orepuere royapo kuae jeta yae oporepeña oreré vae pe, ¡mbaetɨ roikuaa mbae royapo vaerä; jáeramo ndekotɨño royeko!”

PROVERBIOS 19:18

Einupa nderaɨ jeko kavimbae re, ndepuereta rembosɨmbi ramboeve; ërei agüɨye oasa ete einupa.

PROVERBIOS 29:15

Chikote jare yembosɨmbi rupi ou arakuaa, ërei michia re oñemaeiño vae, ichɨ omomaraiuka ko.

ECLESIASTÉS 7:22

Echa nde reikuaa kavi vi ko reï, rere avei yepi ikavimbae ïru vae reta kotɨ.

EZEQUIEL 18:30

Che ajäata opaete Israel iñemuña reta jeko oï rupi. Che peYa jae. Peyepoepɨ jare peyembosɨrɨ pereko ikavimbae güi, agüɨye vaerä pekañɨtei.

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

JOEL 3:12

Toyupavo jare toyogüeru tëtaguasu reta, ɨvɨtɨ päu ipe kavi vae Josafat jee vae pe; echa joko pe ajäata opaete tëtaguasu jókuae iyɨvɨrigua reta.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

DEUTERONOMIO 17:12

Ërei kuimbae oyembotuicha reve mbaetɨ oyapo sacerdote oyeokuai yandeYa pe vae ani oporojäa vae jei chupe vae yave, tomano. Jökorai peekɨ ikavimbae pepɨte güi.

DEUTERONOMIO 21:18

Oime yave kia nunga vae taɨ mbaetɨ oipota oyapo mborookuai jare ipɨapochɨ, yepe tëi oyókuai tu ani ichɨ, jare yepe tëi oinupa jese,

1 Juan 3:20

Echa yandepɨa omboeta yandeve vae güi ko Tumpa iporomboeta tuicha yae, echa jae oikuaa opaete mbaembae.

1 SAMUEL 2:12

Elí taɨ reta ko iyoa, jare mbaetɨ oipoɨu reta yandeYa güi.

1 SAMUEL 2:17

Jökorai tuicha yae iyoa kuae kunumi reta yandeYa kotɨ, echa omboeteä mbota reta oñemee yandeYa pe vae.