1 SAMUEL 29:2 - Biblia Guarani Tumpa Iñee

² Jare filisteo juvicha reta omae jare oipapa kavi isundaro reta cien vae ani mil vae kuimbae yave, David jare jupiegua kuimbae reta yogüɨraja Aquis ndive taɨkue kotɨ oporoäro vaerä.

1 SAMUEL 29:2 ပူးပေါင်းရင်းမြစ်များ

1 CRÓNICAS 12:19

Amogüe Manasés iñemuña reta güi yogüɨraja oñemoïru David ndive, ojo tëi filisteo reta ndive oñeraro vaerä Saúl kotɨ yave (ërei David mbaetɨ omborɨ filisteo reta, echa filisteo juvicha reta oyapo yemongeta omondo ye vaerä ñeraroa güi, echa jei reta: “¡Ipuere ko oyeaɨuka juvicha Saúl pe, güɨraja yave chupe ñaneäkagüe!”)

NÚMEROS 10:25

Jaɨkue rupi omboɨpɨ oguata Dan iñemuña reta jeyupa ibandera; opaete ïru reta jaɨkue ete; Ahiezer, Amisadai taɨ jae ko jae reta juvicha.

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,

1 SAMUEL 6:4

Jare jae reta oparandu: —¿Mbae nunga mbota pa romondota? Jare sacerdote reta jei: —Pemondo pandepo mbaerasɨ pɨ̈chɨi ñakɨ̈ta vae iä oro pegua jare pandepo anguya iä oro pegua, filisteo juvicha reta ñogüɨnoi rami, echa kuae mbaerasɨ opaete peiporara, pe jare peruvicha reta.