1 SAMUEL 28:7 - Biblia Guarani Tumpa Iñee

⁷ Jayave Saúl jei iyɨvɨrigua reta pe: —Peeka cheve metei kuña güɨnoi mbaepuere oenɨi vaerä omanogüe jekove vae, che aja vaerä ípɨri jare jókuae kuña rupi aparandu vaerä. Jare iyɨvɨrigua reta jei chupe: —Endor pe oime metei kuña güɨnoi mbaepuere oenɨi vaerä omanogüe jekove vae.

1 SAMUEL 28:7 ပူးပေါင်းရင်းမြစ်များ

2 REYES 6:33

Jare Eliseo imiari oï jókuae tenondegua reta ndive ramboeve, jókuae ñee jerúa ou oväe Eliseo pɨri, jare jei: —Mase, kuae ikavimbae ombou yandeve yandeYa, ¿mbae yemborɨ pa aärota chugüi?

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

DEUTERONOMIO 18:11

mɨakañɨ iyapoa, jare agüɨye ave peyembosuerteuka maratuta vae imombeúa pe, ani ichoropa vae pe, jare agüɨye kia toeka tomomiari omanogüe jekove.

JOSUÉ 17:11

Manasés iñemuña reta güɨnoi vi tëta guasu reta; tëta guasu ñavo güɨnoi tëta raɨ raɨ, Isacar jare Aser iñemuña reta iɨvɨ pe jae ko: Bet-seán, Ibleam, Dor, Endor, Taanac jare Meguido, mboapɨ yemboyao ɨvɨ.

1 SAMUEL 28:3

Jókuae ara rupi Samuel mbaetɨve ma oiko, omano ma, jare opaete Israel iñemuña reta oäpiro jare oñotɨ reta jëta Ramá pe. Saúl yepe opa omoë omombo jókuae ɨvɨ güi maratuta vae imombeúa reta, jare omanogüe iä oenɨi vae reta.