1 SAMUEL 27:8 - Biblia Guarani Tumpa Iñee

⁸ Jare David oë jupiegua kuimbae reta ndive oporepeña jókuae ɨvɨ pe filisteo reta yogüɨreko vae re, jae ko tëta Gesur, Gezer jare Amalec iñemuña reta, Telaim güive Shur rape kotɨ jare Egipto kotɨ.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Javoi opüa ojo Gesur kotɨ, güeru Absalón Jerusalén pe.

2 SAMUEL 14:32

Jare Absalón jei chupe: —Amondo tëi roenɨiuka reyu vaerä romondo mburuvicha guasu pɨri, rere vaerä chupe: ¿Maera ra ayu Gesur güi vae? Apɨta kaviñota tëi yepe joko pe. Aipota aecha mburuvicha guasu, jare oime cheré mbae teko yave, tacheyuka.

2 SAMUEL 15:8

Che nderembiokuai aiko Gesur pe Siria pe yave ayapo metei ñererökuavee yandeYa pe, jae reve: “CheYa chereraja ye Jerusalén pe yave, tamee mbaemboete ndeve.”

2 SAMUEL 3:22

Jare jaɨkue ñoete yogüeru Joab jare kuimbae reta David jupiegua reta omaepɨ̈roa güi, güeru reta jeta mbaembae jovaicho reta güi opɨ̈rogüe. Jare Abner mbaetɨ ma oï David ndive Hebrón pe, echa omboyupavo ma yepe omondo mbɨakatu reve.

2 SAMUEL 3:3

jare mokoía ko jee Quileab, Abigail imembɨ, jae ko Nabal amɨri Carmel pegua jembirekogüe; mboapɨa jee Absalón, Maaca imembɨ; Maaca ko Talmai mburuvicha guasu Gesur pegua tayɨ;

2 SAMUEL 8:12

Siriaɨgua reta güi, Moab iñemuña reta güi, Amón iñemuña reta güi, filisteo reta güi, Amalec iñemuña reta güi jare mburuvicha guasu Hadad-ezer Soba pegua, jae ko Rehob taɨ güi opa mbaembae opɨ̈rogüe.

1 CRÓNICAS 2:23

Ërei Gesur jare Aram opɨ̈ro Jair güi tëta guasu reta jare vi Kenat jare iyɨvɨrigua tëta raɨ reta; opaete reve sesenta. Opaete kuae reta jae ko Maquir iñemuña reta imbae, Maquir jae ko Galaad tu.

ÉXODO 15:22

Moisés jei Israel iñemuña reta pe yogüɨraja vaerä Ɨguasu Pɨ̈ta vae güi, jare ñogüɨnoe ñuu Shur jee vae kotɨ, jare mboapɨ ara ma oguata reta yave mbaetɨño oväe ɨ.

ÉXODO 17:8

Jayave Amalec iñemuña reta oporepeña Israel iñemuña reta re Refidim pe.

NÚMEROS 13:29

Amalec iñemuña reta oime ñogüɨnoi Neguev pe, heteo reta, jebuseo reta jare amorreo reta ñogüɨnoi ɨvɨtɨ reta re, jare cananeo reta ñogüɨnoi ɨguasu jare ɨ̈aka Jordán ipäu pe.

NÚMEROS 14:45

Jayave ñogüɨnoe chupe Amalec iñemuña reta jare Cam iñemuña reta, jókuae ɨvɨtɨ re yogüɨreko vae reta, jare kuae reta oyuka jare omoamɨri reta, jare oaɨkuemoña reta güɨraja oeya Horma pe.

JOSUÉ 12:5

Jare oporookuaise ɨvɨtɨ Hermón pe, Salca pe, opaete Basán güive Gesur jare Maaca jembeɨ pe, jare Galaad mbɨte rupi, Sehón, mburuvicha guasu Hesbón pegua iɨvɨ pe.

JOSUÉ 13:13

Ërei Israel iñemuña reta mbaetɨ omombo tëta Gesur jare Maaca pegua reta, kuae reta oime yogüɨreko añave rupi Israel iñemuña reta ipɨte pe.

JOSUÉ 13:2

Kuae ko jae ɨvɨ opɨtagüe: Opaete ɨvɨ filisteo reta imbae, jare opaete ɨvɨ Gesur iñemuña reta imbae,

JOSUÉ 16:10

Ërei Efraín iñemuña reta mbaetɨ güɨnoe omombo Gezer güi cananeo reta; jökorai cananeo reta yogüɨreko Efraín iñemuña reta ipɨte pe, jare ombaemboepɨ yogüɨreko. Añave rupi cananeo reta oime yogüɨreko joko pe.

JUECES 1:29

Efraín iñemuña reta mbaetɨ vi opa omoë omombo cananeo reta yogüɨreko Gezer pe vae, jókuae cananeo reta yogüɨrekoño jae reta ipɨte pe.

1 SAMUEL 29:6

Jare Aquis oenɨi David, jei chupe: —¡Tumpa jee re jae, nde ko kuimbae jupi vae! Chemboyerovia yae reyapogüe kuae teyupa pe, mbaetɨ etei aväe teko nderé jókuae ara reyu güive chépɨri añave regua. Ërei filisteo juvicha reta mbaetɨ ipɨakatu nderé,

1 SAMUEL 30:1

Mboapɨa ara pe David jare jupiegua kuimbae reta yogüeru ye yave Siclag pe, oecha reta Amalec iñemuña reta oike yepe Neguev pe jare opüa reta Siclag re opa oapɨ reta.