1 SAMUEL 27:1 - Biblia Guarani Tumpa Iñee

¹ Ërei ngatu David oyemongeta körai: “Güɨramoiño Saúl cheyukata, tatekuarai filisteo reta iɨvɨ kotɨ, agüɨye vaerä ma chereeka Saúl kuae ɨvɨ Israel pe, jökorai taasayepe Saúl ipo güi.”

1 SAMUEL 27:1 ပူးပေါင်းရင်းမြစ်များ

1 REYES 12:26

Jare jei ipɨa pe: “Güɨramoi mborookuaía ojo yeta David iñemuña reta ipo pe,

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

1 REYES 19:3

Jare Elías oecha mbaetɨta ikavi ramo, opüa jare ojo, güɨroasayepe vaerä jekove, jare ou tëta Beerseba pe ɨvɨ Judá pe, jare joko pe oeya jembiokuai.

2 CRÓNICAS 25:17

Ërei Amasías, mburuvicha guasu Judá pegua, ïru vae reta iporomboarakuaa rupi omondo jei Joás, Joacaz taɨ pe, Jehú jɨmɨmino pe, mburuvicha guasu Israel pegua pe: “Eyu, jare yayoecha, yaecha ra kia jëia.”

SALMOS 116:11

Ayemongetambae reve jae: “Opaete vae yapu vae päve ko.”

SALMOS 55:7

Atekuaraita tëi mombɨrɨ; apɨtata aiko ñuu pe.

ÉXODO 14:12

¿Kuae reä pa roe tëi ndeve Egipto pe: “Emaeño toroyeokuai Egiptoɨgua reta pe? ¡Echa ikaviño ko royeokuai vaerä Egiptoɨgua reta pe, kuae ñuu rupi romano vae güi!”

PROVERBIOS 13:12

Mbae oñeäro vae oväe raivimbae vae, oporombopɨatɨtɨ yae, ërei oyembopo vae, oporomboyerovia.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

NÚMEROS 14:3

¿Maera pa yandereru yandeYa kuae ɨvɨ pe ñamano vaerä ñeraro pe, jare ñanekuña reta jare ñanemichia reta opata güɨraja tembipɨɨrä? ¿Ikaviä pa yayerova ye vaerä Egipto kotɨ?”

San Mateo 14:31

Jupiveiño Jesús omondo ipo jare oipɨɨ Pedro. Jayave jei chupe: —Michi yae ndeporogüɨrovia. ¿Maera pa mbaetɨ rerovia ete cheré?

San Marcos 4:40

Jesús jei chupe reta: —¿Maera pa pekɨɨye? ¿Mbaetɨño pa penoi mborogüɨrovia?

2 Corintios 7:5

Echa Macedonia pe royu roväe güive, mbaetɨ etei roputuu, jaeño roiporara yae opaete mbae; ikatu güi, ñeraro reta; japɨpe pe, kɨɨye reta.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 20:3

Jare David jei ye Tumpa jee re: —Nderu oikuaa kavi yae che jae ko ndevɨa-ïru, jáeramo ko mbaetɨ omombeu ndeve agüɨye vaerä ndembopɨatɨtɨ. ¡Ërei jae ndeve yandeYa jee re jare nderé re, michi yae ma oata amano vaerä!

1 SAMUEL 22:5

Ërei ñeemombeúa Gad jei David pe: —Agüɨye epɨta kuae ñepɨ̈roka pe, epüa jare ekua ɨvɨ Judá pe. Jökorai David ojo, jare ou oike kaa Haret pe.

1 SAMUEL 23:17

jei chupe: —Agüɨye ekɨɨye, echa cheru Saúl ngaraa neväe. Nde ko reikota mburuvicha guasurä Israel pe, jare ndeɨvɨriguarä che aikota. Kuae re cheru oikuaa ko oï.

1 SAMUEL 25:30

Jare yandeYa ombopo ma yave opaete iporogüɨrökuavee nderé, jare neñono ma mburuvicharä Israel iñemuña reta re yave,

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”

1 SAMUEL 29:2

Jare filisteo juvicha reta omae jare oipapa kavi isundaro reta cien vae ani mil vae kuimbae yave, David jare jupiegua kuimbae reta yogüɨraja Aquis ndive taɨkue kotɨ oporoäro vaerä.

1 SAMUEL 29:3

Jare filisteo juvicha reta jei: —¿Mbae pa kuae kuimbae hebreo reta oyapo kuae pe? Aquis jei chupe reta: —Kuae jae ko David, mburuvicha guasu Saúl Israel pegua jembiokuaigüe. Ërei añave año oasa ma oiko che ndive, jare mbaetɨ etei aväe teko jese jókuae ara ou güive.