1 SAMUEL 26:8 - Biblia Guarani Tumpa Iñee

⁸ Jayave Abisai jei David pe: —Añave Tumpa omee ndepo pe nderovaicho. Emaeño cheré imii ae pe taikutu ɨvɨ re, tayuka meteia peño.

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Jayave Abisai, Sarvia imembɨraɨe jei mburuvicha guasu pe: —¿Maera pa kuae yaɨmba rëogüe pochɨ jei ñee jasɨ katu vae ndekotɨ? ¡Emaeño taja iñäka tayasɨa!

SALMOS 31:8

Mbaetɨ chemee tovaicho reta ipo pe; echa cheñono jëguambaea pe.

JEREMÍAS 40:15

Jayave Johanán, Carea taɨ jei vɨari Gedalías pe Mizpa pe: —Emaeño che taja tayuka Ismael, Netanías taɨ, mbaetɨ eteita kia oikuaa. ¿Maera pa ñamaeñota kia ndeyuka? Echa jökorai yave opata oñemoai kuae Judáɨgua reta yogüeru ndekotɨ vae, jare opata okañɨtei.

NAHUM 1:9

¿Mbae ikavimbae vae pa peyemongeta peï peyapo vaerä yandeYa kotɨ? ¡Jae opaeteita pemokañɨtei! ¡Ngaraa kia ipuere oyovaicho ye ikotɨ!

Romanos 11:32

Echa Tumpa omaeño opaete vae ñeereendumbae rupi yogüɨreko vaerä. Jökorai oiparareko vaerä opaete vae.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

JOSUÉ 21:44

Jare yandeYa omee yogüɨreko pɨagüive vaerä jókuae ɨvɨ pe, jae oñererökuavee jee re ae Israel iñemuñagüe reta pe rami; jare opaete jovaicho reta güi mbaetɨ metei ave ipuere oñeraro jae reta ndive, echa yandeYa omee jae reta ipo pe opaete jovaicho reta.

JUECES 1:4

Judá iñemuña reta yogüɨraja jare yandeYa omee opa vaerä omoamɨri cananeo reta jare ferezeo reta. Jare Bezec pe diez mil opa oyuka reta, kuae reta ipɨte pe oï Adoni-bezec.

1 SAMUEL 23:14

Jare David opɨta ñuu Zif jee vae pe, ɨvɨtɨ raɨ re ñepɨ̈roka oï vae pe, Saúl oeka ara ñavo, ërei Tumpa mbaetɨ omee chupe.

1 SAMUEL 24:4

Jayave David jupiegua kuimbae reta jei chupe: —Jae kuae ara yandeYa jei ndeve vae oyembopo: “Ameeta ndepo pe nderovaicho.” Eyapo chupe añave jaekavi ndeve vae. Jare David opüa jare kïrii ngatu reve ayasɨa Saúl jemimonde jembeɨ.

1 SAMUEL 24:5

Kuae jaɨkue rupi David oyembopɨaä, Saúl jemimonde jembeɨ oyasɨa vae re.

1 SAMUEL 26:23

Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.

1 SAMUEL 26:7

Jare jókuae pɨ̈tu voi David jare Abisai yogüɨraja teyupa pe. Saúl oke oï teyupa pe. Jare imii oyeatɨka oï iñäkandɨta iyɨpɨ pe. Abner jare sundaro reta oke ñogüɨnoi iyɨ́vɨri rupi.

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.