1 SAMUEL 26:23 - Biblia Guarani Tumpa Iñee

²³ Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

YandeYa omboekovia cheve jupigüe ayapo rupi, chereko kavi oime rupi, omboekovia cheve,

2 SAMUEL 22:25

Jáeramo, yandeYa omboekovia cheve jupigüe ayapo rupi, jesa jóvai chereko kavi rupi omboekovia cheve.

1 REYES 8:32

eendu ara pe jare eyapo jupi vae nderembiokuai pe. Jeko vae toiporara jeko re aeño, jare jekombae pe eyapo jupi vae jeko kavi rupi.

NEHEMÍAS 13:14

¡CheRu Tumpa: Nemaendúa kuae ayapogüe re, agüɨye neakañɨ ikavi vae ayapo kuae ndero jo kotɨ vae, jare mbaemboete oñemee pɨpe vae kotɨ vae!

JOB 34:11

Echa jae omboepɨta kuimbae pe iparavɨkɨ rupi, metei ñavo jeko rupi kavi.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

1 SAMUEL 24:11

Emae, mase, ko anoi chepo pe nderemimonde jembeɨgüe, che ayasɨa, jare mbaetɨ royuka, echa ayemongeta kavi ndekotɨ jare mbaetɨ vi romomburu ani cheyoa ndekotɨ. Ërei nde chepïaro reiko, reipota cheyuka.

1 SAMUEL 24:12

¡YandeYa tiñanejäa, jare jae toyeepɨ nderé cheve! Ërei che mbaetɨta amopüa chepo nderé.

1 SAMUEL 24:18

Añave nde remboyekuaa cheve ndepɨakavi chekotɨ vae, echa mbaetɨ cheyuka yandeYa chemee ndepo pe yave.

1 SAMUEL 24:19

Echa, ¿kia pa omaeñota jovaicho re ojoyepe vaerä? Jáeramo, ¡yandeYa tiporerekua nderé, reyapo ramo kuae ara ikavi vae cheve!

1 SAMUEL 26:11

YandeYa tacheövatu agüɨye vaerä ayuka jae oiparavogüe. Añave eraja imii jare iɨguarɨru, jare yaja.

1 SAMUEL 26:22

David jei chupe: —Ko oï mburuvicha guasu imii, tou kuae kotɨ metei nderembiokuai togüɨraja.

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.