1 SAMUEL 26:10 - Biblia Guarani Tumpa Iñee

¹⁰ YandeYa jee re, jae etei ko oiporaraukata chupe, ani outa ara oväe omano vaerä ani ojota ñeraroa pe omano.

1 SAMUEL 26:10 ပူးပေါင်းရင်းမြစ်များ

GÉNESIS 47:29

Jare oväe ara Israel omano vaerä yave, oenɨi taɨ José, jare jei chupe: —Añetete ndepɨakatu ko chekotɨ yave, romoñera reñono vaerä ndepo cheu päu pe, jare eyapo che ndive mboroparareko jare jupi vae. ¡Romoñera agüɨye vaerä cheñotɨ Egipto pe!

JOB 14:14

Kuimbae omano yave, ¿oikove yeta ra? Opaete ara aikove aiko ramboeve, aärota, aiporara poi vaerä.

JOB 14:5

Añetete iara reta oyepapa ko oï, yasɨ reta oikota vae nde reikuaa, remee oikove oiko vaerä vae güi, ngaraa oasa.

JOB 7:1

Kuimbae oiko kuae ɨvɨ pe yemoambeko rupi oiko vaerä, ara ñavo iparavɨkɨ jepɨ chupe oikoasɨ katu rami.

SALMOS 37:10

Jarembaeño mbaetɨta ma yogüɨreko jeko kavimbae reta, peeka tëita ñogüɨnoia rupi, ërei mbaetɨta peväe chupe.

SALMOS 37:13

Ërei yandeYa oyoyaiñota, echa oikuaa köiño ma ou oiporara vaerä.

SALMOS 94:23

Jae ko omboyevɨta jeko aeño iyoa vae reta re. ¡YandeYa Tumpa ko opata omokañɨtei reta!

ECLESIASTÉS 3:2

Oime ara, michia raɨ oa vaerä, jare oime vi mano iara. Oime ara, ñamaetɨ vaerä, jare oime vi mbaarɨvo iara.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

Romanos 12:19

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

DEUTERONOMIO 31:14

Javoi yandeYa jei Moisés pe: “Mase, ou ma oväe remano vaerä; jayave eenɨi Josué, jare cheräro tupao guakapi pegua pe, che amee vaerä chupe cheporookuai.” Jare Moisés ojo Josué ndive tupao guakapi pegua pe jare oäro reta joko pe.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

Apocalipsis 18:8

Jáeramo metei ara peño oyeapota chupe jeta mbaesusere: mano, mbɨatɨtɨ jare karuai, jare opata ókai, echa imbaepuere yae ko yandeYa Tumpa ojäa vae.”

1 SAMUEL 24:12

¡YandeYa tiñanejäa, jare jae toyeepɨ nderé cheve! Ërei che mbaetɨta amopüa chepo nderé.

1 SAMUEL 24:15

YandeYa toiko ñanejäa vaerä ¡Jae toï omae vaerä añave kërai aï vae re, jae tachereepɨ ndegüi!”

1 SAMUEL 25:26

Añave cheya, yandeYa jee re jare nderé re, ¡yandeYa ko mbaetɨ omaeño repɨyere vaerä tugüɨ jare reyepɨ nde etei. Nabal rami toasa opaete jókuae nemotareɨ vae reta!

1 SAMUEL 25:38

Jare payandepo araa pe, yandeYa ombojeiete jare omano Nabal.

1 SAMUEL 25:39

Jare David oikuaa yave Nabal omano, jei: —¡Toyemboete yandeYa, echa jae oyepɨ cheve Nabal ikavimbae oyapo cheve vae re! ¡Jae chereepɨ ikavimbae ayapota tëi vae güi, Jare yandeYa etei oitɨ Nabal re jembiapo ikavimbae! Kuae jaɨkue rupi David omondo omomiari Abigail, güeru vaerä jae jembirekorä.

1 SAMUEL 31:4

Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.

1 SAMUEL 31:6

Jökorai omano Saúl jókuae ara mboapɨ reve taɨ reta ndive, jare iyeopiaka ivoɨa, jare opaete iyɨvɨrigua reta ndive.