1 SAMUEL 25:28 - Biblia Guarani Tumpa Iñee

²⁸ Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.

1 SAMUEL 25:28 ပူးပေါင်းရင်းမြစ်များ

2 SAMUEL 5:2

Jare tenonde voi ma ko, Saúl oikose oreruvicha guasurä yave, nde ko rerajase Israel iñemuña reta ñeraroa pe jare reroyerova ye yepi. Jare yandeYa jei yoapɨ ndeve: ‘Nde reyangarekota tëta chembae vae Israel re, jare nde reikota Israel pe mburuvicharä.’ ”

2 SAMUEL 7:11

añono güire mburuvicha oporojäa vae reta tëta Israel chembae pe; che amee reputuu vaerä opaete nderovaicho reta güi. Jare jetata che romoñemuña.

2 SAMUEL 7:16

Neñemuña reta jare ndeporookuaía amomɨ̈rata añono, ndeporookuaía oikota jekuae avei pegua.’ ”

2 SAMUEL 7:27

Echa nde, cheYa Tumpa imbaepuere yae ete vae Israel iTumpa reikuaauka cheve, kërai cheñemuña reta yogüɨreko aveita vae; jáeramo, che nderembiokuai añemomɨ̈rata ayerure vaerä ndeve.

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 9:5

jayave romboguapɨ eteta mburuvicha guasurä kuae Israel pe, jare ndeporookuaía toiko jekuae avei pegua, nderu David amomiari rami, jae reve: ‘Ngaraa oata neñemuña güi metei kuimbae mburuvicha guasurä Israel pe.’

1 CRÓNICAS 17:10

Añono güire mburuvicha oporojäa vae reta tëta Israel chembae pe; che amomichita opaete nderovaicho reta. Jare aikuaauka ndeve neñemuñarä ameeta vae.

1 CRÓNICAS 17:25

Echa nde cheTumpa reikuaauka ma cheve cheñemuña reta yogüɨreko aveita vae; jáeramo che nderembiokuai añemoäta ngatu, ayerure vaerä ndeve.

2 CRÓNICAS 20:15

Jare jei: “Peyeapɨsaka opaete Judá pegua reta jare Jerusalén pegua reta, jare nde, mburuvicha guasu Josafat. YandeYa jei peve körai: ‘Agüɨye pekɨɨye ani peyomongɨɨye jókuae jeta yae vae güi, echa yandeYa ko oñerarota, mbaetɨta ko pe reta.

SALMOS 7:3

CheYa Tumpa, ¿che ayapo pa jókuae nunga? ¿Aporoyuka pa?

SALMOS 89:29

Añonota iñemuña reta oiko avei vaerä, iporookuaía oikota ara oiko avei vae rami.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Lucas 23:41

Jupi ko yande ñamano vaerä. Echa yande ñamanota ñaï ikavimbae vae yayapo jeko pegua. Ërei kuae kuimbae mbaetɨ etei oyapo mbae ikavimbae.

San Lucas 23:47

Jare cien sundaro vae juvicha joko pe oï vae oecha kuae oasa yave omboete Tumpa, jei reve: —Añetete yepe, kuae kuimbae jae jupi vae.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.

1 SAMUEL 17:47

Jare opaete kuae pe yatɨ ñogüɨnoi vae reta oikuaata, kërai cheYa mbaetɨ oporoepɨ kɨsepuku pe jare mii pe vae; echa jae imbae ko ñeraro, jare jae pemeeta orepo pe.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.

1 SAMUEL 2:35

Jare che aiparavota metei chesacerdoterä jupi rupi oiko vae, cheremimbota oyapo vae, ameeta chupe iñemuña oiko avei vaerä, jare oyeokuaita mburuvicha aiparavo vae jóvai ara ñavo.

1 SAMUEL 22:14

Jayave Ahimelec jei mburuvicha guasu pe: —¿Kia nunga pa ndeɨvɨrigua reta güi jupi yae David rami, nderovaya vi, oyeokuai ndeve vae, jare imboetea vae ndero pe?

1 SAMUEL 24:11

Emae, mase, ko anoi chepo pe nderemimonde jembeɨgüe, che ayasɨa, jare mbaetɨ royuka, echa ayemongeta kavi ndekotɨ jare mbaetɨ vi romomburu ani cheyoa ndekotɨ. Ërei nde chepïaro reiko, reipota cheyuka.

1 SAMUEL 24:17

Jare jei David pe: —Jupi yae nde chegüi, che ayapota tëi ndeve ikavimbae vae, ërei nde remboekovia cheve ikavi vae pe.

1 SAMUEL 24:21

Añave yandeYa jee re erökuavee cheve, agüɨye tokañɨtei cheñemuña reta, agüɨye cheree tokañɨ.

1 SAMUEL 24:4

Jayave David jupiegua kuimbae reta jei chupe: —Jae kuae ara yandeYa jei ndeve vae oyembopo: “Ameeta ndepo pe nderovaicho.” Eyapo chupe añave jaekavi ndeve vae. Jare David opüa jare kïrii ngatu reve ayasɨa Saúl jemimonde jembeɨ.

1 SAMUEL 25:24

Javoi oya katu David ipɨ re, jei chupe: —¡Cheya, cheré toï teko! Romoñera reyeapɨsaka vaerä cheré jare eendu che nderembiokuai iñee.

1 SAMUEL 29:3

Jare filisteo juvicha reta jei: —¿Mbae pa kuae kuimbae hebreo reta oyapo kuae pe? Aquis jei chupe reta: —Kuae jae ko David, mburuvicha guasu Saúl Israel pegua jembiokuaigüe. Ërei añave año oasa ma oiko che ndive, jare mbaetɨ etei aväe teko jese jókuae ara ou güive.

1 SAMUEL 30:26

Jare David ou oväe Siclag pe yave, omondo opɨ̈rogüe ivɨa-ïru Judá pe tenondegua vae reta pe, jei reve: “Mase, ko oï mbota peveguarä, mbaembae oñepɨ̈rogüe yandeYa jovaicho reta güi vae.”