1 SAMUEL 25:26 - Biblia Guarani Tumpa Iñee

²⁶ Añave cheya, yandeYa jee re jare nderé re, ¡yandeYa ko mbaetɨ omaeño repɨyere vaerä tugüɨ jare reyepɨ nde etei. Nabal rami toasa opaete jókuae nemotareɨ vae reta!

1 SAMUEL 25:26 ပူးပေါင်းရင်းမြစ်များ

GÉNESIS 20:6

Tumpa jei chupe ipaɨu pe: “Che aikuaa vi ndepɨa jupi reve kuae reyapo vae; che vi ko royopia agüɨye vaerä ndeyoa chekotɨ, jökorai mbaetɨ amaeño repoko jese.

2 SAMUEL 18:32

Mburuvicha guasu jayave oparandu Etiopíaɨgua pe: —¿Kunumi Absalón ikaviño pa oï? Jare Etiopíaɨgua jei: —Mbae mona opaete nderovaicho reta jare opaete ikavimbae oipota ndeve vae reta oasa jókuae kunumi oasa rami.

2 REYES 2:2

Elías jei Eliseo pe: —Epɨta kuae pe, echa yandeYa chemondo Bet-el kotɨ. Ërei Eliseo jei chupe: —YandeYa jee re jare nderee re, ¡ngaraa roeya! Jayave yogüɨraja päve reta Bet-el kotɨ.

2 REYES 4:6

Jare opaete ma mbaerɨru reta tɨnɨe yave, jei metei imembɨ pe: —Eru ye cheve ïru mbaerɨru. Ërei imembɨ jei chupe: —Mbaetɨ ma mbaerɨru. Jökorai rupive asaite mbaetɨ ma oë.

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

PROVERBIOS 31:12

Oyangareko kavi ime re, opaete ara oikove oiko ramboeve.

JEREMÍAS 29:22

Jökorai, opaete Judá güi oyereraja Babilonia pe vae reta oipota oyepopeyu yave kia re, jeita: YandeYa toyapo nde ndive Sedequías jare Acab ndive oyapo rami, echa mburuvicha guasu Babilonia pegua oapɨ reta tata pe.

DANIEL 4:19

Jayave Daniel, Beltsasar pe ombojee reta vae, ipɨakañɨ yae opɨta metei ora seri rupi, jare yemongeta reta ou chupe vae ombopɨatɨtɨ yae. Jare mburuvicha guasu jei chupe: ‘Beltsasar agüɨye tandembopɨajopa kuae mbaɨu jare mbae ko oipota jei vae.’ Beltsasar jei: ‘¡Cheruvicha guasu, kuae repaɨu vae toiko nderovaicho reta kotɨ, jare mbae ko oipota jei vae, toyembopo ikavimbae oipota ndeve vae reta kotɨ!

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”

1 SAMUEL 1:26

Jare Ana jei Elí pe: —¡Chekɨvɨ! Mase, che ko jae jókuae kuña ndeɨpɨ pe oyerure oiko yandeYa pe vae.

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.

1 SAMUEL 20:16

Jökorai Jonatán oyapo morogüɨrökuavee päve David ndive, jekuae avei pegua. “YandeYa tojäa nderovaicho reta” jei chupe.

1 SAMUEL 20:3

Jare David jei ye Tumpa jee re: —Nderu oikuaa kavi yae che jae ko ndevɨa-ïru, jáeramo ko mbaetɨ omombeu ndeve agüɨye vaerä ndembopɨatɨtɨ. ¡Ërei jae ndeve yandeYa jee re jare nderé re, michi yae ma oata amano vaerä!

1 SAMUEL 22:3

Joko güi David ojo Mizpa, Moab pegua pe, jare jei mburuvicha guasu Moab pegua pe: —Romoñera remaeño vaerä aeya cheru jare chesɨ pe reta ndive, aikuaa regua mbae ra ko oyapota Tumpa cheve.

1 SAMUEL 25:25

Agüɨye eyapo Nabal jei vae; jae jee rami etei ko jeko. Echa jae ko jee Nabal, jare yarakuaambae oiko. Ërei che nderembiokuai mbaetɨ ko aecha jókuae kunumi reta rembou vae.

1 SAMUEL 25:39

Jare David oikuaa yave Nabal omano, jei: —¡Toyemboete yandeYa, echa jae oyepɨ cheve Nabal ikavimbae oyapo cheve vae re! ¡Jae chereepɨ ikavimbae ayapota tëi vae güi, Jare yandeYa etei oitɨ Nabal re jembiapo ikavimbae! Kuae jaɨkue rupi David omondo omomiari Abigail, güeru vaerä jae jembirekorä.

1 SAMUEL 26:10

YandeYa jee re, jae etei ko oiporaraukata chupe, ani outa ara oväe omano vaerä ani ojota ñeraroa pe omano.