1 SAMUEL 25:21 - Biblia Guarani Tumpa Iñee

²¹ David yepe jei ipɨa pe ou oiko: “Ayangarekoiño ma Nabal jɨmba reta re ñuu pe, jare mbaetɨ etei mbae aekɨ chugüi, jare añave jae omboekovia cheve ikavi ayapo vae ikavimbae pe.

1 SAMUEL 25:21 ပူးပေါင်းရင်းမြစ်များ

GÉNESIS 44:4

Jare tëta guasu güi ndeiño mombɨrɨ yogüɨraja mbove, José jei imbaembae iyangarekoa pe: —Epüa jare eaɨkuemoña jókuae kuimbae reta jare reupitɨ yave ere chupe reta: “¿Maera pa pemboekovia ikavimbae vae pe, mbae ikavi ayapo peve vae? ¿Maera pa peñomi chekopa korepoti pegua?

JOB 30:8

Osirivembae reta, mbaragüe reta, tëta güi oyemombogüe reta.

SALMOS 35:12

Ikavi ayapo vae omboekovia reta cheve ikavimbae pe, chembopɨatɨtɨ vaerä;

SALMOS 37:8

Eeya arasɨ, esɨrɨ mbochɨ güi; agüɨye etei eñemokɨ̈reɨ reyapo vaerä ikavimbae.

SALMOS 38:20

Omboekovia reta cheve ikavi ayapo vae ikavimbae pe, oñemopüa chekotɨ reta, ikavi vae ayapo vae jeko pegua.

PROVERBIOS 17:13

Mbae ikavi vae omboekovia ikavimbae pe vae, jo pe oime aveita ikavimbae.

JEREMÍAS 18:20

¿Ikavimbae pe yera oyemboekovia ikavi vae? ¡Jae reta oyoo rami ɨvɨkua cherekove peguarä! Nemaendúa che añeñono nderóvai romoñera vaerä jese reta, rembosɨrɨ vaerä chugüi reta ndearasɨ.

Romanos 12:21

Agüɨye eñemoamɨriuka ikavimbae pe. Jaeño ikavimbae emoamɨri ikavi vae rupi.

Efesios 4:26

Pearasɨ yave, agüɨye peyoa. Agüɨye kuaraɨ toike peve pearasɨ reve.

Efesios 4:31

Agüɨye peñovatu pepɨa pe, mbochɨ, arasɨ, yoaka, ñeeasɨ katu, jare opaete ikavimbae.

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

1 Pedro 3:17

Echa ikavi ko peiporara ikavi vae peyapo reve, Tumpa oipota yave, ikavimbae peyapo vae re peiporara vae güi.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 SAMUEL 25:13

Jayave David jei jupiegua reta pe: —¡Peyeapo katu perembiporu ñeraro pegua ndive! Jare metei ñavo oyeapo kavi ikɨsepuku ndive, jare David oñono kɨsepuku ikúa re; cuatrociento kuimbae ndive ojo David, jare dosciento opɨtaño oyangareko vaerä mbaembae re.

1 SAMUEL 25:15

Jókuae kuimbae reta ipɨakavi yae ko ore ndive roiko yave jae reta ndive ñuu pe, mbaetɨ mbae omboata reta oreve.

1 SAMUEL 25:20

Jare opo metei mburika re jare oñemi reve ogüeyɨ ɨvɨtɨ güi. Jare oecha, ko David jare jembiokuai reta yogüeru, jare jae oë oövaiti.

1 SAMUEL 25:7

Aikuaa reñapi renoi ndevecha reta. Mase, nde reikuaa ko ndevecha iyangarekoa reta yogüɨreko yave ore ndive Carmel pe, mbaetɨ mbae oata chupe reta, jare mbaetɨ vi mbae oñepɨ̈ro chugüi reta.