1 SAMUEL 25:10 - Biblia Guarani Tumpa Iñee

¹⁰ Jare Nabal jei David jemimondo reta pe: —¿Kia pa jókuae David? ¿Kia pa jókuae Isaí taɨ? Jeta ko añave rupi tembiokuai reta iya güi otekuaraigüe.

1 SAMUEL 25:10 ပူးပေါင်းရင်းမြစ်များ

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

PROVERBIOS 15:1

Ñee yeaeä, omoröɨsa arasɨ; ërei ñeeasɨ katu, ombojeiete arasɨ.

ECLESIASTÉS 7:10

Agüɨye etei ere: “¿Maera pa ko arakae ikavi yae mbae, añave rupi vae güi?” Echa jókuae mbarandu, mbaetɨ ko arakuaa pegua.

ISAÍAS 32:5

Ngaraa ye ma omboete reta kuimbae jeko kavimbae vae, jeko kavi vae rami, ngaraa ye ma omboete reta kuimbae jeko pɨ̈chɨi vae, imboetea vae rami.

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

JUECES 9:28

Jare Gaal, Ebed taɨ jei: “¿Mbae mbatee pa Abimelec, Jerobaal taɨñoä pa ko, Zebul jaeä pa imborɨa? ¿Kia pa Siquem oiko vaerä Abimelec jeia re? Yayeokuai Hamor pe, jae ko kuae tëta omboɨpɨ vae, jare agüɨye yaiko Abimelec, Jerobaal taɨ jeia re.

1 SAMUEL 20:30

Jayave Saúl iyarasɨ Jonatán kotɨ jare jei chupe: —¡Kuña jeko kavimbae vae imembɨ! ¿Mbaetɨecha pa aikuaa ndeve reiparavo ndevɨa-ïrurä Isaí taɨ vae, nde jare ndesɨ pemomarai vaerä?

1 SAMUEL 22:2

Jare oyemboatɨ jae ndive opaete oiporara yae vae, mbia güɨnoi vae, mbaetɨ ipɨakatu yogüɨreko vae; kuae reta oñono juvicharä. Oupitɨ ñogüɨnoi jae ndive cuatrociento kuimbae reta.

1 SAMUEL 25:9

Jare yogüɨraja oväe yave kuae kunumi reta, omombeu opaete David jeigüe Nabal pe, jare oäro reta mbae ra jeita vae.