1 SAMUEL 24:9 - Biblia Guarani Tumpa Iñee

⁹ Jare David jei Saúl pe: —¿Maera pa rerovia kia reta iñee jei ndeve yave: “David ndemomburu oiko”?

1 SAMUEL 24:9 ပူးပေါင်းရင်းမြစ်များ

SALMOS 101:5

Amokañɨteita jókuae japicha omoërakua pɨ̈chɨi vae; ¡mbaetɨta chepɨaguasu jókuae ipɨayemboete jare iyembotuicha vae pe!

SALMOS 141:6

Juvicha reta oyeitɨukata ɨ̈vavira pe, jare oikuaa retata cheñee añetete ko vae.

PROVERBIOS 16:28

Kuimbae ipɨapochɨ vae, oporomoñoraro katu; indaye pota vae, omboyovaichouka oyoupii ovɨa oyoe reta vae ave.

PROVERBIOS 17:4

Jeko kavimbae jare yapu yae vae, güɨrovia katu ipɨapochɨ vae iñee reta.

PROVERBIOS 18:8

Indaye pota vae reta iñee reta, mbae jëe ngatu vae rami ko, oike yandepɨ a pe etei.

PROVERBIOS 25:23

Ɨvɨtuguasu kotɨgua ɨvɨtu omaeñoä okɨ; jökorai ko indaye pota vae re, jova arasɨ omae vae.

PROVERBIOS 26:28

Yapu yae vae, iyapu rupi oiporarauka yae ïru vae pe, jare ñee yeaeä, oporogüɨrokomegua.

PROVERBIOS 29:12

Mburuvicha oyeapɨsaka yave apu re, opaete imborɨa reta pe oyavɨukata ko.

JEREMÍAS 37:18

Jare Jeremías oparandu voi vi mburuvicha guasu Sedequías pe: —¿Mbae rupi pa oime chereko nde cheruvicha guasu kotɨ, ani ndeɨvɨrigua mburuvicha reta kotɨ, ani opaete vae reta kotɨ, cheñono reta vaerä tembipɨɨrɨru pe?

LEVÍTICO 19:16

Agüɨye pendaye pota perëtaɨgua reta ipɨte pe. Agüɨye pemomburu perapicha jekove. Che ko peYa.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.

1 SAMUEL 20:1

David otekuarai Naiot güi Ramá güi, jare ojo Jonatán oïa pe jare jei chupe: —¿Mbae pa ayapo? ¿Mbae pa chereko? ¿Mbae nunga mbaeyoa pa ayapo nderu kotɨ chereeka vaerä cheyuka?

1 SAMUEL 20:41

Jare jembiokuai ojo ma yave, David oë arayevɨ kotɨ güi ita yatɨ oï vae ikupe güi, oyetavatɨka ɨvɨ re mboapɨ ye itindɨasɨ reve, javoi oyoovapɨte jare oñoäpiro reta, ërei David jeta yae oyaeo.

1 SAMUEL 24:10

Añave ndepuere reecha kërai yandeYa nemee tëi chepo pe, reike yave ɨvɨkuarusu pe, cherupiegua reta jei tëi cheve royuka vaerä, ërei cheɨ̈ro ndeve, echa jae cheyeupe: “¡Ngaraa amopüa chepo cheruvicha guasu re, echa yandeYa oiparavogüe ko!

1 SAMUEL 24:8

Kuae jaɨkue rupi David opüa vi jare oë ɨvɨkuarusu güi jare osapúkai omondo iñee Saúl pe, jei reve: —¡Cheruvicha guasu! ¡Cheruvicha guasu! Jare Saúl oyerova omae jaɨkue kotɨ yave, oecha David oyetavatɨka jare itindɨasɨ ɨvɨ re, jare omboete.

1 SAMUEL 26:18

¿Maera pa cheraɨkuemoña cheya? ¿Mbae pa ayapo? ¿Oime pa mbae ikavimbae ayapo?

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”