1 SAMUEL 24:7 - Biblia Guarani Tumpa Iñee

⁷ Jökorai David oyopia jupiegua kuimbae reta, mbaetɨ omaeño opüa Saúl re; jare Saúl oë ye ojo.

1 SAMUEL 24:7 ပူးပေါင်းရင်းမြစ်များ

2 SAMUEL 1:14

Jare David jei chupe: —¿Maera pa mbaetɨ reipoɨu reyuka yandeYa jembiparavo?

SALMOS 7:4

¿Chevɨa-ïru pe amboyevɨ pa ikavi oyapo cheve vae ikavimbae pe? ¿Apɨ̈ro pa mbae cherovaicho reta güi jupimbae reve?

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.

1 SAMUEL 24:6

Jare jei jupiegua reta pe: —¡YandeYa tacheövatu agüɨye vaerä ayapo mbae ikavimbae vae cheya pe! Jae ko mburuvicha guasu, ¡yandeYa oiparavogüe ko!

1 SAMUEL 24:8

Kuae jaɨkue rupi David opüa vi jare oë ɨvɨkuarusu güi jare osapúkai omondo iñee Saúl pe, jei reve: —¡Cheruvicha guasu! ¡Cheruvicha guasu! Jare Saúl oyerova omae jaɨkue kotɨ yave, oecha David oyetavatɨka jare itindɨasɨ ɨvɨ re, jare omboete.

1 SAMUEL 25:33

Jare eyekou ndeyemongeta jupi vae re, nde cheopia ajata tëi apɨyere tugüɨ vae güi, ayepɨ vaerä che etei.

1 SAMUEL 26:23

Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.