1 SAMUEL 24:4 - Biblia Guarani Tumpa Iñee

⁴ Jayave David jupiegua kuimbae reta jei chupe: —Jae kuae ara yandeYa jei ndeve vae oyembopo: “Ameeta ndepo pe nderovaicho.” Eyapo chupe añave jaekavi ndeve vae. Jare David opüa jare kïrii ngatu reve ayasɨa Saúl jemimonde jembeɨ.

1 SAMUEL 24:4 ပူးပေါင်းရင်းမြစ်များ

2 SAMUEL 4:8

jare güɨraja reta Is-boset iñäkagüe David pe Hebrón pe, jei reta körai chupe: —Oreruvicha guasu, ko rogüeru ndeve Is-boset iñäkagüe, nderovaicho Saúl oipotase tëi ndeyuka vae taɨ. Ërei yandeYa oyepɨ añave ndeve Saúl re jare iñemuña reta re.

JOB 31:31

Oike yave kia oiko che ndive vae, oipota oyuvanga ketɨgua re,

SALMOS 142:1

Cheñeeäta reve ayerure yandeYa pe, cheñeeäta reve aiporu chupe iporoparareko.

SALMOS 57:1

CheRu Tumpa, cheparareko, cheparareko, echa nderé ayeko. Ndepepo igüɨ pe añepɨ̈rota oasa regua mbaesusere reta.

ÉXODO 21:13

Ërei ipɨa rupiä oporombopere vae, Tumpa omee jökorai omano vaerä yave, aikuaaukata ndeve ketɨ ko otekuaraita vae.

1 SAMUEL 22:1

Jayave David ojo joko güi, jare otekuarai ɨvɨkua Adulam pe oï vae kotɨ, tɨkeɨ reta jare opaete jëtara reta oikuaa yave kuae re, yogüeru reta ípɨri.

1 SAMUEL 23:17

jei chupe: —Agüɨye ekɨɨye, echa cheru Saúl ngaraa neväe. Nde ko reikota mburuvicha guasurä Israel pe, jare ndeɨvɨriguarä che aikota. Kuae re cheru oikuaa ko oï.

1 SAMUEL 23:7

Jare Saúl pe oikuaauka reta David oime tëta Keila pe vae yave, jei: “Tumpa omee chepo pe echa oike tëta guasu jöke oyeokenda vae japɨpe pe.”

1 SAMUEL 24:10

Añave ndepuere reecha kërai yandeYa nemee tëi chepo pe, reike yave ɨvɨkuarusu pe, cherupiegua reta jei tëi cheve royuka vaerä, ërei cheɨ̈ro ndeve, echa jae cheyeupe: “¡Ngaraa amopüa chepo cheruvicha guasu re, echa yandeYa oiparavogüe ko!

1 SAMUEL 24:18

Añave nde remboyekuaa cheve ndepɨakavi chekotɨ vae, echa mbaetɨ cheyuka yandeYa chemee ndepo pe yave.

1 SAMUEL 26:23

Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.