1 SAMUEL 23:9 - Biblia Guarani Tumpa Iñee

⁹ Ërei David oikuaa yave Saúl oyemongeta kaviä ikotɨ, jei sacerdote Abiatar pe, güeru vaerä temimonde iyɨvambae sacerdote pegua oparandu vaerä Tumpa pe.

1 SAMUEL 23:9 ပူးပေါင်းရင်းမြစ်များ

1 REYES 2:26

Mburuvicha guasu jei sacerdote Abiatar pe: “¡Ekua Anatot kotɨ, ndeɨvɨ pe! Reyepapa ko remano vaerä, ërei ngaraa royuka añave, echa revoɨ yandeYa Tumpa ikäjou cheru David jenonde, jare reiporara jae oiporara rami.”

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

Hechos 14:6

Pablo jare Bernabé oikuaa yave otekuarai reta Listra jare Derbe kotɨ, jae ko tëta guasu reta ɨvɨ Licaonia pegua jare opaete tëta raɨ reta iyɨvɨrigua rupi.

Hechos 9:24

Ërei kuae jërakua Saulo pe. Jae reta oäro tëta guasu jöke reta rupi ara rupi jare pɨ̈tu rupi, oyuka vaerä tëi.

1 SAMUEL 10:22

Jare oparandu reta ye yandeYa pe, mbaetɨño ra ou oväe jókuae kuimbae joko pe. Jare yandeYa jei: “Oime kuae pe oñemi oï voɨta pɨte pe.”

1 SAMUEL 14:18

Jare Saúl jei Ahías pe: —Eru Tumpa ikäjou cheve. Echa jayave rupi oimeño Tumpa ikäjou Israel iñemuña reta ndive.

1 SAMUEL 22:20

Ërei metei Ahimelec taɨ, Ahitob jɨmɨmino Abiatar jee vae, ojoyepe mano güi, jare otekuarai David oïa kotɨ.

1 SAMUEL 23:10

Jare David jei: —CheYa Israel iTumpa, che nderembiokuai aendu Saúl opüata kuae tëta Keila re omokañɨtei vaerä che chereko pegua.

1 SAMUEL 23:6

Abiatar, Ahimelec taɨ otekuarai ojo oñemoïru vaerä David ndive Keila pe yave, güɨraja ipo pe temimonde iyɨvambae sacerdote pegua.

1 SAMUEL 23:8

Javoi Saúl omboatɨ opaete isundaro reta yogüɨraja vaerä Keila kotɨ oipɨɨ David, jare jae ndive kuimbae reta ñogüɨnoi vae.

1 SAMUEL 30:7

Jare David jei sacerdote Abiatar, Ahimelec taɨ pe: —Eru cheve temimonde iyɨvambae vae sacerdote pegua. Jare Abiatar güɨraja chupe jókuae temimonde.