1 SAMUEL 23:26 - Biblia Guarani Tumpa Iñee

²⁶ Jare ɨvɨtɨ iyɨ́vɨri rupi Saúl ojo isundaro reta ndive, jare jókuae ɨvɨtɨ ikupe rupi David ojo jupiegua reta ndive, ojoyepe vaerä Saúl güi, ërei Saúl jare isundaro reta oikëse David jupiegua reta ndive oipɨɨ vaerä.

1 SAMUEL 23:26 ပူးပေါင်းရင်းမြစ်များ

2 SAMUEL 15:14

Jayave David jei opaete imborɨa reta ñogüɨnoi jae ndive vae pe: —¡Yatekuarai aramoete voi, güɨramoi mbaetɨta yajayepe Absalón güi! ¡Peandeko, güɨramoi yanderupitɨ kuae peño yave, opata ko yandeyuka jare opaete kuae tëta pegua vi!

2 CRÓNICAS 20:12

¡OreRu Tumpa! ¿Mbaetɨta pa reiporarauka chupe reta? Echa ore mbaetɨ mbae orepuere royapo kuae jeta yae oporepeña oreré vae pe, ¡mbaetɨ roikuaa mbae royapo vaerä; jáeramo ndekotɨño royeko!”

SALMOS 17:11

Cherape oyopia reta chegüi, omae ñogüɨnoi chereitɨ vaerä ɨvɨ re.

SALMOS 17:9

jeko kavimbae reta iporogüɨrekoasɨ katu güi, ¡cherovaicho reta oipota cheyuka vae güi!

SALMOS 22:12

Cherovaicho reta cheöva jeta toro rami, Basán pegua toro pochɨ jare ipɨ̈rata vae rami.

SALMOS 22:16

Echa yaɨmba reta rami cheöva reta, jeta jeko kavimbae reta cheöva; omombu reta chepo jare chepɨ.

SALMOS 31:22

Jarembae voi jae: “Ayemombo ma Tumpa jóvai güi, ërei nde reendu cheyerure, asapúkai ndeve yave.”

2 Corintios 1:8

Cherɨvɨ reta, roipota peikuaa kërai roiporara Asia pe roiko yave vae. Roiporara yae. Orepuereä ma rogüɨropɨa. Jáeramo royemongeta opa potaecha romano.

Apocalipsis 20:9

Jare yogüeru opaete Israel pegua reta iɨvɨ rupi jare oñova jókuae tëta guasu Tumpa oaɨu vae, oñeñono tee Tumpa peguarä vae reta yogüɨrekoa. Ërei Tumpa ombou tata ara güi, jare opaetei oapɨ reta.

JUECES 16:2

Gaza pegua reta oikuaa Sansón oime ko oï jókuae tëta pe yave, oimama reta jare oäro reta öke opaete jókuae pɨ̈tu, oyemongeta reta oyuka vaerä köe ma yave.

1 SAMUEL 19:12

Jayave Mical ombosagüɨu omoë David ventana rupi o güi, jökorai David otekuarai, jare ojoyepe.

1 SAMUEL 20:38

Jare osapúkai ye Jonatán kunumi pe: —¡Esɨi, nderangai, agüɨye epɨta! Jare jókuae kunumi Jonatán pe oyeokuai vae güeru chupe uvɨ reta.

1 SAMUEL 23:25

Jare Saúl ojo kuimbae jupiegua reta ndive, oeka vaerä David. Ërei David oikuaa yave ogüeyɨ ɨ̈vavira güi jare ojo opɨta Maón iñuu pe. Saúl oikuaa yave ojo David jaɨkue Maón iñuu kotɨ.

1 SAMUEL 23:27

Jayave ou metei ñee jerajaa omombeu Saúl pe, jei: —¡Eyu jarembae! Echa filisteo reta oike opɨ̈ro vaerä ñanerëta.