1 SAMUEL 23:2 - Biblia Guarani Tumpa Iñee

² Jare David oparandu yandeYa pe jei reve: —¿Ajata pa añeraro filisteo reta ndive? Jare yandeYa jei chupe: —Ekua eñeraro jare eepɨ tëta guasu Keila.

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Kuae jaɨkue rupi David oparandu yandeYa pe, jei reve: —¿Ajata pa kia nunga tëta guasu Judá pegua pe? Jare yandeYa jei chupe: —Ekua. Jare David jei ye: —¿Kia pe pa ajata? Jare jae jei chupe: —Ekua Hebrón pe.

2 SAMUEL 5:19

Jayave David oparandu yandeYa pe jei reve: —¿Aëta pa añoraro filisteo reta ndive? ¿Remoamɨriuka retata pa cheve? Jayave yandeYa jei chupe: —Eë chupe, echa ameeta ndepo pe, remoamɨri reta vaerä.

2 SAMUEL 5:23

Jare David oparandu kuae regua yandeYa pe yave, jae jei chupe: “Agüɨye ekua jóvai kotɨ rupi, ekua ikupe kotɨ rupi chupe reta, ɨvɨra iyaɨsɨ vae reta jenda re katu eë chupe reta.”

1 CRÓNICAS 14:10

Jayave David oparandu yandeYa pe, jei: —¿Aëta pa añoraro filisteo reta ndive? ¿Remoamɨriuka retata pa cheve? Jare yandeYa jei chupe: —Eë chupe, echa ameeta ndepo pe, remoamɨri reta vaerä.

SALMOS 32:8

YandeYa jei: “Romboeta jare aikuaaukata ndeve kërai reiko vaerä; ayangareko aveita nderé.

JEREMÍAS 10:23

CheYa, aikuaa ko metei ave mbaetɨ jekove jae imbaei, mbaetɨ mbaepuere güɨnoi tenonde kotɨ oikota oiko vae re.

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

JOSUÉ 9:14

Jare Israel iñemuña reta oipɨɨ tapeke Gabaón pegua reta güerugüe, ërei mbaetɨ oparandu reta yandeYa pe.

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

1 SAMUEL 10:22

Jare oparandu reta ye yandeYa pe, mbaetɨño ra ou oväe jókuae kuimbae joko pe. Jare yandeYa jei: “Oime kuae pe oñemi oï voɨta pɨte pe.”

1 SAMUEL 14:37

Jayave Saúl oparandu Tumpa pe: —¿Chepuere pa aporepeña filisteo reta re? ¿Remeeta pa Israel iñemuña reta ipo pe? Ërei yandeYa mbaetɨ mbae jei chupe jókuae ara.

1 SAMUEL 23:3

Ërei jae ndive ñogüɨnoi vae reta jei David pe: —Mase, kuae Judá pe roï vae reta rokɨɨye, jayave Keila pe rojo vaerä rokɨɨye yaeta ko roñeraro filisteo reta ndive.

1 SAMUEL 23:4

Jayave David oparandu ye yandeYa pe, jare yandeYa jei: —Epüa jare ekua Keila pe, che ameeta ndepo pe filisteo reta.

1 SAMUEL 23:6

Abiatar, Ahimelec taɨ otekuarai ojo oñemoïru vaerä David ndive Keila pe yave, güɨraja ipo pe temimonde iyɨvambae sacerdote pegua.

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.