1 SAMUEL 23:18 - Biblia Guarani Tumpa Iñee

¹⁸ Jare oyapo reta morogüɨrökuavee päve yandeYa jee re, kuae jaɨkue rupi, David opɨta Hores pe, jare Jonatán ou ye jëta kotɨ.

1 SAMUEL 23:18 ပူးပေါင်းရင်းမြစ်များ

2 SAMUEL 21:7

Mburuvicha guasu iñɨ̈ro Mefi-boset, Jonatán taɨ pe, jae ko Saúl jɨmɨmino. Jókuae ñererökuavee päve yandeYa jee re David jare Jonatán oyapo reta oyoupe vae.

2 SAMUEL 9:1

Metei ara David oparandu: “¿Oime pa kia jembɨre Saúl iñemuña reta güi, che anoi vaerä mboroparareko ikotɨ, Jonatán aaɨu jeko pegua?”

1 SAMUEL 18:1

David opa imiari Saúl ndive yave, Jonatán omboɨpɨ ovɨa David re, jare oaɨu yae David jae oyeaɨu rami.

1 SAMUEL 18:3

Jonatán jare David oyapo oyoupe morogüɨrökuavee päve oyoaɨu avei vaerä, echa Jonatán oaɨu yae jae oyeaɨu rami.

1 SAMUEL 20:42

Jare Jonatán jei David pe: —Ekua ndepɨakatu reve, echa ñañererökuavee ko yandeYa jee re yae reve: “YandeYa toï nde ndive jare che ndive jare ñaneñemuña reta ndive jekuae avei pegua.” Jare David opüa ojo jare Jonatán ou ye tëta guasu kotɨ.

1 SAMUEL 20:8

Eyapo ikavi vae cheve, echa yandeYa jee re yae ma ko yayoaɨu vaerä. Oime yave mbae ayavɨ nde cheyuka, jare agüɨye chereraja nderu jóvai.

1 SAMUEL 21:1

David ojo tëta Nob pe, sacerdote Ahimelec pɨri; jare Ahimelec ipɨakañɨ yae oecha yave, jare jei chupe: —¿Maera pa reyu ndeño etei, jare mbaetɨ kia ou nde ndive?