1 SAMUEL 23:16 - Biblia Guarani Tumpa Iñee

¹⁶ Jare Jonatán Saúl taɨ opüa ou Hores pe David oïa pe, jare omoäta ngatu Tumpa jee re,

1 SAMUEL 23:16 ပူးပေါင်းရင်းမြစ်များ

NEHEMÍAS 2:18

Jayave amombeu kavi chupe reta, kërai Tumpa ipɨakavi chekotɨ vae, jaeramiño vi mburuvicha guasu jei cheve vae yave, jei reta: —¡Yaparavɨkɨ jare ñamopüa ye! Jökorai oñemoäta ngatu reta oyapo vaerä ikavi vae.

JOB 16:5

Ërei che yave, pomoäta ngatuta ko cheñee pe, jare cheporombopɨakatu rupi oasata ko mbae jasɨ pegüi.

PROVERBIOS 27:17

Tembiporu jiero pegua oyeimbee japicha jiero pe, jökorai kuimbae, oñono kavi ivɨa-ïru.

PROVERBIOS 27:9

Mbae ikäti kavi vae, yandemboyerovia ñaëtu yave, jökorai ko ikavi yae, vɨa-ïru güi yaendu yemboarakuaa vae.

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

San Lucas 22:43

Jayave oyekuaa Jesús pe metei araɨgua omomɨ̈rata vaerä.

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

DEUTERONOMIO 3:28

Emboe Josué jare emoäta ngatu, emopɨ̈rata; echa jae ko ojota opaete vae reta jenonde, jare jae omeeta ɨvɨ imbae retarä jókuae reechata vae.’

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

1 SAMUEL 23:15

David okɨɨye oiko Saúl güi, echa oeka oyuka vaerä. Jáeramo opɨta oiko Hores pe ñuu Zif pe.

1 SAMUEL 30:6

Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.