1 SAMUEL 23:1 - Biblia Guarani Tumpa Iñee

¹ Jayave oikuaauka reta David pe jei reve: “Filisteo reta opüa Keila re, jare opɨ̈ro reta trigo oyepoo ramo oyemboatɨ oï vae.”

1 SAMUEL 23:1 ပူးပေါင်းရင်းမြစ်များ

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 28:51

Jou retata perɨmba imembɨ reta, peremitɨ ia, opa pekañɨtei regua; mbaetɨta oeya peve trigo yepe, ani uva tɨgüegüe, ani olivo iasaite, peguaka imembɨ yepe, ani vecha imembɨ yepe, opa regua pemokañɨtei.

JOSUÉ 15:44

Keila, Aczib jare Maresa; chau tëta guasu; tëta guasu ñavo güɨnoi tëta raɨ raɨ.

JUECES 6:11

Jare yandeYa iaraɨgua ou oguapɨ ɨvɨra encina Ofra pe oï vae igüɨ pe, jae ko Joás Abiezer iñemuña imbae. Gedeón, Joás taɨ ombopiriri oï trigo uva oñetɨamía pe, oñomi vaerä Madián iñemuña reta güi.

JUECES 6:4

Oyembojeyupa reta Israel iñemuña reta iɨvɨ pe jare güɨrokomegua reta chugüi jemitɨ, kuae ojoi oya ɨvɨ Gaza re, oeyambae reve Israel iñemuña reta pe mbae ave jou reta vaerä, vecha ave ani güeye reta ave ani mburika reta yepe.