1 SAMUEL 22:8 - Biblia Guarani Tumpa Iñee

⁸ Opaete pe reta peyovaicho cheré, jare mbaetɨ etei pemombeu cheve cheraɨ ko oñemoïru Isaí taɨ ndive vae, mbaetɨ etei kia yepe ipɨatɨtɨ cheré, jare pemombeuä cheve cheraɨ omopüa cherembiokuai cherovaichorä, añave rupi oï rami.

1 SAMUEL 22:8 ပူးပေါင်းရင်းမြစ်များ

2 REYES 6:11

Jare mburuvicha guasu Siriaɨgua omboyemongeta yae kuae, jare oenɨi isundaro ruvicha reta, jare jei chupe reta. —¡Pere cheve! ¿Kia pa yandegüi oñemoïru mburuvicha guasu Israel pegua ndive?

JOB 33:16

Jayave ko Tumpa oenduka iñee kuimbae pe, oechauka chupe oyavɨgüe jare okɨɨye,

1 SAMUEL 18:1

David opa imiari Saúl ndive yave, Jonatán omboɨpɨ ovɨa David re, jare oaɨu yae David jae oyeaɨu rami.

1 SAMUEL 18:3

Jonatán jare David oyapo oyoupe morogüɨrökuavee päve oyoaɨu avei vaerä, echa Jonatán oaɨu yae jae oyeaɨu rami.

1 SAMUEL 20:2

Jare jae jei chupe: —¡Agüɨye eyemongeta jökorai! ¡Ngaraa ndeyuka! Mase, cheru mbaetɨi mbae oikuaku chegüi. ¿Maera pa cheru oikuakuta chegüi kuae regua? ¡Ngaraa remano!

1 SAMUEL 20:42

Jare Jonatán jei David pe: —Ekua ndepɨakatu reve, echa ñañererökuavee ko yandeYa jee re yae reve: “YandeYa toï nde ndive jare che ndive jare ñaneñemuña reta ndive jekuae avei pegua.” Jare David opüa ojo jare Jonatán ou ye tëta guasu kotɨ.

1 SAMUEL 20:8

Eyapo ikavi vae cheve, echa yandeYa jee re yae ma ko yayoaɨu vaerä. Oime yave mbae ayavɨ nde cheyuka, jare agüɨye chereraja nderu jóvai.

1 SAMUEL 22:13

Jare Saúl jei chupe: —¿Maera pa nde jare Isaí taɨ peyovaicho cheré? Nde remee chupe mbɨyape jare kɨsepuku, jare reparandu jese yandeYa pe, oyemboyovaicho vaerä chekotɨ jare chemomburu vaerä.

1 SAMUEL 23:21

Jare Saúl jei: —YandeYa tiporerekua peré, echa pe reta cheparareko.