1 SAMUEL 22:7 - Biblia Guarani Tumpa Iñee

⁷ jei jembiokuai iyɨ́vɨri ñogüɨnoi vae reta pe: —Peyeapɨsaka Benjamín iñemuña reta. ¿Perovia pa Isaí taɨ omeeta peve ɨvɨ jare uvarupa?, ani ¿peñonota ra peiko vaerä mil vae ani cien vae juvicharä?

1 SAMUEL 22:7 ပူးပေါင်းရင်းမြစ်များ

2 SAMUEL 18:1

David omae jare oipapa kavi jupiegua reta, jare oñono mburuvicha, mil vae reta re jare cien vae reta re.

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

1 CRÓNICAS 12:16

Jökoraiño vi amogüe kuimbae Benjamín jare Judá iñemuña pegua reta, yogüeru David pɨri ñepɨ̈roka pe.

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 20:27

Ërei pɨareve pe mokoía ara ma arete yave, jekuaeñoi David jenda ipoä oï. Jayave Saúl oparandu taɨ Jonatán pe: —¿Maera pa kárumbo jare añave Isaí taɨ mbaetɨ ou okaru?

1 SAMUEL 20:30

Jayave Saúl iyarasɨ Jonatán kotɨ jare jei chupe: —¡Kuña jeko kavimbae vae imembɨ! ¿Mbaetɨecha pa aikuaa ndeve reiparavo ndevɨa-ïrurä Isaí taɨ vae, nde jare ndesɨ pemomarai vaerä?

1 SAMUEL 22:13

Jare Saúl jei chupe: —¿Maera pa nde jare Isaí taɨ peyovaicho cheré? Nde remee chupe mbɨyape jare kɨsepuku, jare reparandu jese yandeYa pe, oyemboyovaicho vaerä chekotɨ jare chemomburu vaerä.

1 SAMUEL 22:9

Jayave Doeg Edom pegua oï Saúl jembiokuai reta itenondegua ipɨte pe jei: —Che aecha Isaí taɨ ou Nob pe, Ahimelec, Ahitob taɨ pɨri.

1 SAMUEL 25:10

Jare Nabal jei David jemimondo reta pe: —¿Kia pa jókuae David? ¿Kia pa jókuae Isaí taɨ? Jeta ko añave rupi tembiokuai reta iya güi otekuaraigüe.