1 SAMUEL 22:23 - Biblia Guarani Tumpa Iñee

²³ Ërei nde epɨta che ndive, agüɨye ekɨɨye, jókuae oipota ndeyuka vae che oipota vi ko cheyuka, ërei che ndive ngaraa mbae reasa.

1 SAMUEL 22:23 ပူးပေါင်းရင်းမြစ်များ

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

1 REYES 1:7

Jare jae oyapo kavi ma yepe yemongeta Joab, Sarvia imembɨraɨe ndive, jare sacerdote Abiatar ndive, omborɨ katu Adonías vae reta.

1 REYES 2:26

Mburuvicha guasu jei sacerdote Abiatar pe: “¡Ekua Anatot kotɨ, ndeɨvɨ pe! Reyepapa ko remano vaerä, ërei ngaraa royuka añave, echa revoɨ yandeYa Tumpa ikäjou cheru David jenonde, jare reiporara jae oiporara rami.”

San Mateo 24:9

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

San Juan 17:12

Che aiko jae reta ndive kuae ɨvɨ pe ramboeve, añovatu nderee re; remee cheve vae reta che añovatu jare mbaetɨ metei ave okañɨtei, jaeño jókuae ojo tai kañɨtei pe vae, Tembikuatía oyembopo vaerä.

San Juan 18:9

Kuae jei oyembopo vaerä tenonde yave jei vae: “Mbaetɨ amokañɨ metei ave nde remee cheve vae reta güi.”

1 SAMUEL 23:17

jei chupe: —Agüɨye ekɨɨye, echa cheru Saúl ngaraa neväe. Nde ko reikota mburuvicha guasurä Israel pe, jare ndeɨvɨriguarä che aikota. Kuae re cheru oikuaa ko oï.