1 SAMUEL 22:14 - Biblia Guarani Tumpa Iñee

¹⁴ Jayave Ahimelec jei mburuvicha guasu pe: —¿Kia nunga pa ndeɨvɨrigua reta güi jupi yae David rami, nderovaya vi, oyeokuai ndeve vae, jare imboetea vae ndero pe?

1 SAMUEL 22:14 ပူးပေါင်းရင်းမြစ်များ

1 SAMUEL 17:25

Jare Israel iñemuña reta metei ñavo jei: “¿Peecha pa jókuae kuimbae oë tenonde vae? ¡Jae oë tenonde omboarasɨ vaerä Israel iñemuña reta! Oime kia omoamɨri yave, mburuvicha guasu omeeta mbaeyekou chupe jare omboikokatuta, jare omeeta tayɨ jembirekorä, ngaraa ma jëtara reta omboepɨ mburuvicha peguarä oyekovara vae.”

1 SAMUEL 18:13

Jayave Saúl ombosɨrɨ iyeugüi jare oñono mil vae sundaro reta juvicharä; jare David güɨraja jare güeru ye yepi ñeraroa güi.

1 SAMUEL 18:27

David opüa ojo isundaro reta ndive, jare oyuka dosciento filisteo, jare oekɨ güeru mbae filisteo reta jete güi omee mburuvicha guasu pe, jovayarä oiko vaerä. Jayave Saúl omee tayɨ Mical jee vae David jembirekorä.

1 SAMUEL 20:32

Ërei Jonatán jei tu pe: —¿Maera pa omanota? ¿Oime pa mbae ikavimbae oyapo?

1 SAMUEL 21:2

Jare David jei sacerdote Ahimelec pe: —Mburuvicha guasu cheokuai metei mbae re, jei cheve: Agüɨye etei kia ave toikuaa mbae re ko che royókuai romondo aï vae; jare che amombeu sundaro reta pe, kia pe cheräro vaerä.

1 SAMUEL 22:13

Jare Saúl jei chupe: —¿Maera pa nde jare Isaí taɨ peyovaicho cheré? Nde remee chupe mbɨyape jare kɨsepuku, jare reparandu jese yandeYa pe, oyemboyovaicho vaerä chekotɨ jare chemomburu vaerä.

1 SAMUEL 24:11

Emae, mase, ko anoi chepo pe nderemimonde jembeɨgüe, che ayasɨa, jare mbaetɨ royuka, echa ayemongeta kavi ndekotɨ jare mbaetɨ vi romomburu ani cheyoa ndekotɨ. Ërei nde chepïaro reiko, reipota cheyuka.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.

1 SAMUEL 26:23

Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.