1 SAMUEL 21:8 - Biblia Guarani Tumpa Iñee

⁸ Jare David jei Ahimelec pe: —¿Mbaetɨ pa renoi mii ani kɨsepuku kuae pe? Echa mburuvicha guasu iporookuai jarembae pegua yae jeko pegua, mbaetɨ omee aeka vaerä chekɨsepuku ani cherembiporu ñeraro pegua yepe.

1 SAMUEL 21:8 ပူးပေါင်းရင်းမြစ်များ

ESTER 8:14

Tupapire jerajaa reta opo kavayu iñäkua yae vae re, jarembae pegua güɨraja mburuvicha guasu mborookuai omee vae; jókuae mborookuai oñemoërakua vi Susa pe, kuae tëta güi mburuvicha reta oporookuai.

San Lucas 10:4

Agüɨye peraja pekorepotirɨru, ani aporoka, ani pɨapaa; jare agüɨye peyapo maraetei kia pe ave tape rupi.

1 SAMUEL 21:7

Jókuae ara oï joko pe, metei Saúl jembiokuai Doeg jee vae Edom pegua, vecha iyangarekoa reta itenondegua.

1 SAMUEL 21:9

Jare Sacerdote jei chupe: —Oime anoi Goliat filisteo ikɨsepukugüe, nde reyuka ɨvɨtɨ päu Ela pe vae. Oime oï temimonde iyɨvambae sacerdote pegua ikupe pe, oñeoma oï asoya pe. Jókuae ndepuere reraja echa mbaetɨ yé ïru anoi. Jayave David jei: —Emee cheve, echa mbaetɨ yé ïru jókuae nunga.

1 SAMUEL 22:22

Jare David jei Abiatar pe: —Echa jókuae ara oï joko pe Doeg Edom pegua yave, oikuaa voi ko imiarita Saúl pe vae. Chereko pegua ko omano opaete nerëtara reta.

1 SAMUEL 22:9

Jayave Doeg Edom pegua oï Saúl jembiokuai reta itenondegua ipɨte pe jei: —Che aecha Isaí taɨ ou Nob pe, Ahimelec, Ahitob taɨ pɨri.